Vivo V50 India Price : स्मार्टफोन निर्माता Vivo लवकरच आपला नवीन Vivo V50 बाजारात आणण्याच्या तयारीत आहे. हा फोन Vivo V40 चा अपग्रेडेड व्हर्जन असणार आहे. गेल्या काही दिवसांपासून या फोनबाबत अनेक लीक आणि अफवा समोर येत होत्या. आता त्याच्या किंमतीसंदर्भात एक मोठे अपडेट मिळाले आहे. हा फोन भारतीय बाजारात फेब्रुवारी 2025 मध्ये लॉन्च होण्याची शक्यता आहे. किंमत आणि वैशिष्ट्ये पाहता, हा स्मार्टफोन प्रीमियम सेगमेंटमध्ये दमदार स्पर्धा देण्यास सज्ज आहे.
Vivo V50 ची किंमत
टेक टिपस्टर अभिषेक यादव यांनी त्यांच्या सोशल मीडिया पोस्टमध्ये दावा केला आहे की Vivo V50 ची किंमत 37,999 रुपयांच्या आसपास असू शकते. हा फोन 40,000 रुपयांच्या आत लॉन्च केला जाईल असा अंदाज वर्तवला जात आहे. तुलनेत पाहिले तर Vivo ने आपला V40 34,999 रुपयांमध्ये सादर केला होता. त्यामुळे V50 चे काही अतिरिक्त वैशिष्ट्ये पाहता किंमत थोडीशी जास्त असण्याची शक्यता आहे.
दमदार प्रोसेसर
Vivo V50 मध्ये नवीनतम आणि पॉवरफुल Snapdragon 7 Gen 3 चिपसेट देण्यात येईल, जी त्याला वेगवान आणि कार्यक्षम बनवेल. हा फोन ड्युअल रियर कॅमेरा सेटअप सह सादर केला जाईल, ज्यामध्ये 50MP मुख्य कॅमेरा आणि 50MP सेकंडरी सेन्सर असेल. सेल्फीप्रेमींसाठी 50MP फ्रंट कॅमेरा देण्यात येणार आहे, त्यामुळे हा फोन फोटोग्राफीसाठी उत्तम पर्याय ठरू शकतो.
बॅटरी आणि चार्जिंग
Vivo V50 मध्ये 6000mAh ची मोठी बॅटरी देण्यात येईल, जी एकाच चार्जमध्ये संपूर्ण दिवस टिकू शकेल. याशिवाय 90W फास्ट चार्जिंग सपोर्ट मिळेल, ज्यामुळे हा फोन काही मिनिटांत फुल्ल चार्ज होऊ शकतो. मागील मॉडेल्सच्या तुलनेत, हा फोन चार्जिंग आणि बॅटरी बॅकअपच्या बाबतीत मोठे सुधारणा घेऊन येणार आहे.
IP68 आणि IP69 रेटिंग
Vivo V50 मध्ये IP68 आणि IP69 सारखी प्रीमियम रेटिंग असू शकते, जी स्मार्टफोनला धूळ आणि पाण्यापासून संरक्षण देईल. साधारणपणे, ही फीचर महागड्या फ्लॅगशिप डिव्हाइसेस मध्ये पाहायला मिळते. त्यामुळे V50 हा त्याच्या किंमतीच्या तुलनेत एक प्रीमियम स्मार्टफोन ठरण्याची शक्यता आहे.
6.7-इंचाचा AMOLED डिस्प्ले
फोनच्या डिझाईनमध्ये मोठे बदल होण्याची शक्यता नाही. त्याचा एकूण लूक Vivo V40 सारखाच असेल, मात्र स्लिम बॉडी आणि अधिक आकर्षक रंग पर्याय यामध्ये जोडले जाण्याची शक्यता आहे. 6.7-इंचाचा 120Hz रिफ्रेश रेट असलेला AMOLED डिस्प्ले देण्यात येऊ शकतो, जो गेमिंग आणि व्हिडिओ पाहण्यासाठी उत्तम अनुभव देईल.
आत्तापर्यंत Vivo कडून या फोनसंदर्भात कोणतीही अधिकृत घोषणा करण्यात आलेली नाही. मात्र, अनेक टेक रिपोर्ट्स आणि लीकनुसार, हा फोन फेब्रुवारी 2025 च्या शेवटच्या आठवड्यात लाँच होऊ शकतो. ग्राहकांना याच्या अधिकृत घोषणेची प्रतीक्षा आहे.
जर तुम्ही प्रीमियम सेगमेंटमध्ये मजबूत कॅमेरा, मोठी बॅटरी आणि उत्कृष्ट परफॉर्मन्स असलेला स्मार्टफोन शोधत असाल, तर Vivo V50 हा तुमच्यासाठी उत्तम पर्याय असू शकतो. पुढील काही दिवसांत Vivo कडून अधिकृत माहिती मिळण्याची शक्यता आहे.
