आजकाल iPhone हा सर्वसामान्यांपासून ते प्रसिद्ध व्यक्तींपर्यंत सर्वांच्या हातात दिसतो. पूर्वी iPhone हे क्वचित कोणाकडे असायचे, पण आता प्रत्येकजण हा फोन वापरतो. उत्कृष्ट कॅमेरा, गुणवत्ता, आणि तंत्रज्ञानामुळे iPhone जगातील सर्वोत्तम स्मार्टफोन्सपैकी एक मानला जातो. मात्र, iPhone नावातील ‘i’ चा अर्थ नेमका काय आहे हे तुम्हाला माहित आहे का?
‘i’ चा अर्थ काय आहे?
Apple च्या उत्पादनांमध्ये, जसे iPhone, iPad, आणि iMac, ‘i’ ही एक महत्त्वाची अक्षर आहे. Apple चे सह-संस्थापक स्टीव्ह जॉब्स यांनी याबाबत अनेक वर्षांपूर्वीच खुलासा केला होता. त्यानुसार: ‘i’ म्हणजे इंटरनेट: 1990 च्या दशकातील डॉट-कॉम बूमच्या काळात, वेबचा वाढता प्रभाव अधोरेखित करण्यासाठी ‘i’ ची निवड केली गेली. याचा अर्थ, Apple च्या डिव्हाइसचे मुख्य उद्दिष्ट म्हणजे इंटरनेट वापर सुलभ करणे.
‘i’ चे इतर अर्थ:
Individual: वैयक्तिकता, Information: माहिती, Instruct: शिक्षण, Inform: माहिती देणे, नवीन ‘i’ चा अर्थ – Intelligence, सध्याच्या काळात, तंत्रज्ञानाची प्रगती लक्षात घेता, Apple ने ‘i’ चा अर्थ अधिक आधुनिक केला आहे. आता, iPhone 16 आणि iOS 18 सह, ‘i’ चा अर्थ ‘Intelligence’ असा मानला जातो. म्हणजेच, युजर्सना अधिक स्मार्ट अनुभव देणे हे Apple चे उद्दिष्ट आहे.
फोल्डेबल iPad
Apple लवकरच आपल्या फोल्डेबल डिव्हाइस बाजारात आणण्याच्या तयारीत आहे. फोल्डेबल iPad 2028 पर्यंत आणि फोल्डेबल iPhone 2026 नंतर येण्याची शक्यता आहे. याशिवाय, कंपनी किफायतशीर किंमतीतील iPhone SE 4 देखील लवकरच लॉन्च करेल.
‘i’ फक्त एक अक्षर नाही
iPhone च्या नावातील ‘i’ फक्त एक अक्षर नाही, तर यामागे कंपनीचा दृष्टीकोन, तंत्रज्ञानाचा विकास आणि युजर्सना अधिकाधिक सुविधा पुरवण्याचा हेतू आहे. त्यामुळे, पुढच्या वेळी जेव्हा तुम्ही iPhone, iPad किंवा iMac वापराल, तेव्हा या ‘i’ चे विशेष महत्त्व लक्षात ठेवा!
