रस्ता खराब असल्यामुळे झालेल्या अपघातात महिला ठार

टाकळीभान | टाकळीभान – घोगरगाव रस्त्यावर धुमाळवस्तीजवळ रविवारी सकाळी ८.३o च्या दरम्यान अपघात झाला.

या अपघातात मारियाबाई ज्ञानदेव शिरसाठ (वय ५५) यांचा जागीच मृत्यू झाला. घोगरगावहून लग्न समारंभासाठी निघालेल्या मारिया शिरसाठ व शिरसाठ हे हीरो होंडा मोटारसायकलीवरून (एमएच १२ व्ही ३६६४) टाकळीभानच्या दिशेने चालले होते.

The imaginary basketball arena is modelled and rendered.

घोगरगावकडून टाकळीभानकडे चाललेला टेम्पोची (एमएच १६ ए ई ५१०९) धुमाळवस्तीजवळ धडक होऊन अपघात झाला.

यात महिला जागीच ठार झाली, तर मोटारसायकलस्वार किरकोळ जखमी झाला.

अपघात झाल्यावर टेम्पोचालक टेम्पो सोडून पळून गेला. टाकळीभान दूरक्षेत्राचे हेडकॉन्स्टेबल पवार व पोलिस मित्र बाबा सय्यद यांनी घटनास्थळी येऊन पंचनामा केला.

टेम्पो रस्त्यात असल्यामुळे दोन्ही बाजूंनी वाहतुकीची कोंडी झाली होती. रस्ता खराब असल्यामुळे अपघात झाल्याचे निदर्शनास आले.