शेवगाव :- तालुक्यातील मुरमी येथे पावसात अंगावर वीज पडल्याने एका वृद्ध शेतकऱ्याचा मृत्यू झाला. देवराव साहेबराव गरड (वय ७०), असे मृत शेतकऱ्याचे नाव असून, ही घटना गुरुवारी रोजी रात्री नऊ वा. घडली.
तर याच दिवशी सामनगाव येथे पावसामुळे गंगाधर म्हस्के यांच्या राहत्या घराची भिंत कोसळून एक गाय दगावली. शुक्रवारी देवराव गरड हे घराच्या पडवीत झोपले होते. रात्री साडेनऊच्यादरम्यान पाऊस सुरू झाला, या वेळी वीज कोसळल्याने त्यांचा जागीच मृत्यू झाला.
तसेच घराची भिंत पडल्याने मोठे नुकसान झाले. गरड यांच्यामागे अंध पत्नी, दोन मुले, दोन मुली, नातवंडे, असा परिवार आहे. प्रा. शिक्षक बॅंकेचे माजी संचालक विनोद फलके यांचे ते चुलत सासरे होते. सामनगाव येथे जोरदार पावसामुळे गंगाधर म्हस्के यांच्या राहत्या घराची भिंत कोसळून गाय दबली.
म्हस्के यांचे चिरंजीव मेजर अनिल म्हस्के, रुपेश म्हस्के व ग्रामस्थांनी गायीवर पडलेली भिंत बाजूला सारली. मात्र, गाय दगावली. दोन्ही घटनांचा तलाठी महानंदा काशिद यांनी केला आहे. दरम्यान, आमदार मोनिका राजळे यांनी व जिल्हा परिषद सदस्या हर्षदा काकडे यांनी स्वतंत्रपणे मयत गरड यांच्या कुटुंबीयांची भेट घेऊन सांत्वन केले.
- Pm Kisan च्या 22व्या हफ्त्याआधी नियमांत झाला मोठा बदल ! आता ‘हे’ एक कागदपत्र जमा करावे लागणार
- पुणे जिल्ह्यातील ‘या’ शहरात तयार होणार नवं बसस्थानक ! बसस्थानकाच्या नूतनीकरणासाठी सात कोटी रुपयांचा निधी मंजूर
- महाराष्ट्राला मिळणार आणखी एक राष्ट्रीय महामार्ग….! तयार होणार भुसावळ – चितोडगड नवा राष्ट्रीय महामार्ग, कोण कोणत्या गावांमधून जाणार?
- शासकीय सेवेत 10 वर्ष किंवा त्यापेक्षा अधिक सेवा दिलेल्या कर्मचाऱ्यांसाठी महत्वाचा निर्णय ! जीआर पण निघाला….
- नव्या वर्षाच्या पहिल्याच दिवशी सोयाबीन बाजार भावात मोठी उलथापालथ ! बाजारभाव घसरलेत की वाढलेत ?