नेवासे – गावठी कट्ट्यातून गोळीबार करत एकास जीवे मारण्याचा प्रयत्न करून फरार झालेले दोन आरोपी स्थानिक गुन्हे अन्वेषण शाखेच्या पोलिसांनी गजाआड केले. प्रताप यल्लप्पा फुलमाळी व सचिन ऊर्फ बप्पा साहेबा फुलमाळी (दोघे घोडेगाव) अशी त्यांची नावे आहेत.
या गुन्ह्यातील आरोपी भारत सोपान कापसे (कांगोणी, ता. नेवासे) याला यापूर्वीच गावठी कट्ट्यासह अटक करण्यात आली आहे. आरोपींनी सचिन गोरख कुऱ्हाडे याच्यावर गोळीबार करत जीवे मारण्याचा प्रयत्न केला होता.
नगर-औरंगाबाद मार्गावरील घोडेगाव येथील गुडलक हॉटेलजवळ सचिन थांबलेला असताना आरोपी कृष्णा यलप्पा माळी व त्याच्या साथीदारांनी सचिन याच्यावर गावठी कट्ट्यातून गोळीबार केला होता.
या गुन्ह्यातील फरार आरोपी प्रताप व बप्पा हे दोघे इमामपूर घाटातील मारूती मंदिराजवळ येणार असल्याची माहिती गुन्हे शाखेचे निरीक्षक दिलीप पवार यांना मिळाली. त्यांच्या पथकाने तत्काळ कार्यवाही करत इमामपूर घाटात सापळा रचला.
मंदिराजवळ उभ्या असलेल्या या दोन्ही आरोपींनी पोलिसांची गाडी पाहून पळ काढला. मात्र, पवार यांच्या पथकाने पाठलाग करत दोघांच्या मुसक्या आवळल्या. या प्रकरणातील एक आरोपीला यापूर्वीच गावठी कट्ट्यासह अटक करण्यात आली आहे.
फरार आरोपींना तत्काळ अटक न केल्यास रास्ता रोको आंदोलन करण्याचा इशारा वडार समाजाने पोलिस अधीक्षक ईशू सिंधु यांना निवेदनाद्वारे दिला होता. अखेर स्थानिक गुन्हे शाखेने दोन्ही फरार आरोपींना अटक केली.
- देशातील ‘या’ बँका देणार सर्वात स्वस्त Home Loan ! 50 लाखांच्या कर्जासाठी कितीचा हप्ता ?
- पोस्ट ऑफिसच्या ‘या’ योजनेत 12 हजार 500 रुपयांची गुंतवणूक केल्यास गुंतवणूकदारांना मिळणार 40 लाखांचे रिटर्न!
- महाराष्ट्रातील राज्य सरकारी कर्मचाऱ्यांना 26 ऑक्टोबरपर्यंत दिवाळी सुट्टी जाहीर ?
- चेकवर सही करण्यासाठी ‘या’ रंगाचा पेन वापरला तर तुमचा चेक वठणार नाही !
- मोठी बातमी ! 2025 अखेर महाराष्ट्रातील ‘या’ शहराला मिळणार Vande Bharat Express ! 550 किमीचा प्रवास आता फक्त 7 तासात
