श्रीगोंदे :- माजी मंत्री बबनराव पाचपुते यांची उमेदवारी भाजपच्या पहिल्याच यादीत जाहीर झाल्याने उमेदवारीबाबतच्या नाट्याला पूर्णविराम मिळाला. पाचपुते यांच्या विरोधात सक्षम उमेदवार देण्यासाठी राष्ट्रवादीने व्यूहरचना आखत आहे.
गृहनिर्माण मंत्री राधाकृष्ण विखे यांचे कट्टर समर्थक काँग्रेसचे माजी जिल्हाध्यक्ष अण्णासाहेब शेलार यांना उमेदवारी देण्याचा घाट घातला जात आहे. शेलार यांच्या रूपाने भाजपत बंडखोरी होण्याची शक्यता आहे.
श्रीगोंदे-नगर विधानसभा मतदारसंघात भाजपने पाचपुते यांना उमेदवारी जाहीर केली. त्यांच्या विरोधात भक्कम उमेदवार देण्यासाठी नागवडे-जगताप यांची एकजूट करून मंत्री विखे यांचे कट्टर समर्थक व ओबीसी नेते अण्णासाहेब शेलार यांना राष्ट्रवादीच्या कार्यालयात बोलावण्यात आले.
नागवडे उमेदवारीसाठी आग्रही होते, पण त्यांची भक्ती कमळाबाईवरच होती. अन्यथा निवडणूक न लढवण्याचे संकेत त्यांनी दिले होते. आमदार राहुल जगताप यांनीही भाजप, शिवसेनेकडे उमेदवारीसाठी प्रयत्न केले, परंतु ते यशस्वी न झाल्याने परत राष्ट्रवादी काँग्रेसचा सूर ते आळवत आहेत.
राष्ट्रवादी काँग्रेस माजी जिल्हा परिषद अध्यक्ष बाबासाहेब भोस, मनोहर पोटे व घनश्याम शेलार यांचीही चाचपणी करत आहे. खासदार विखे कट्टर समर्थक व मागील विधानसभा निवडणुकीत आमदार जगताप यांना खंबीर साथ देणारे अण्णासाहेब शेलार हे पाचपुते यांच्या विरोधात बंडखोरी करतील का? हे येत्या काही तासांतच समजेल.
- मुंबई – पुणे दरम्यान प्रवास करणाऱ्यांसाठी आनंदाची बातमी ! MSRDC ने घेतला मोठा निर्णय
- फक्त 9 महिन्यात गुंतवणूकदार झाले श्रीमंत! ‘या’ 5 म्युच्युअल फंड्सनी दिला 15% परतावा…पैसा टाकावा का?
- ट्रेन तिकीट बुक करताय? मग ‘हे’ एक काम केलंत तर 100% कन्फर्म सीट मिळणार! बघा गुपित फंडा
- पतंजलीचे धमाकेदार क्रेडिट कार्ड लॉन्च! दर महिन्याला 5000 पर्यंत कॅशबॅक, खरेदी करताच पडेल पैशांचा पाऊस
- काळजी घ्या ! ‘या’ झाडांची केल्यास सापांना मिळणार आमंत्रण, वेळीच सावध व्हा
