अहमदनगर Live24 टीम, 17 जुलै 2021 :- कोरोना काळात जगातील कोट्यावधी लोकांना आर्थिक अडचणींचा सामना करावा लागला. काही लोकांकडे काम नव्हते, तर अशी अनेक लोक होती ज्यांच्या बचत या कालावधीत संपल्या.
दरम्यान, एक धक्कादायक बातमी समोर आली आहे. शहरातील बहुतेक गजबजलेले असणारे रस्ते रिकामे झाल्यामुळे ‘स्ट्रीट सिंगर’ रोनाल्डसमोरही मोठी समस्या निर्माण झाली आहे.
स्कूटरवर गाणे गाऊन उपजीविका करायचे – या साथीच्या रोगापूर्वी रोनाल्ड बस स्टँडपासून बीचपर्यंत सर्व गर्दीच्या ठिकाणी जायचा आणि त्याच्या स्कूटरवर जुनी गाणी गायचा, लोक या करमणुकीमुळे खूश झाल्यावर त्याला पैसे द्यायचे.
अशा प्रकारे, त्याचा दररोज खाण्यापिण्याचा खर्च चालू राहिला आणि थोडी बचतही झाली. देशभरात कोरोनाचा प्रसार झाल्यापासून अशा ‘स्ट्रीट सिंगर्स’ चे जगणे कठीण झाले आहे. त्याची परिस्थिती इतकी बिघडली की, त्याला आपले किडनी आणि यकृत पैशासाठी विकायला काढावे लागले आहेत.
स्कूटरवर बोर्ड लावले आहेत – आता त्याने आपल्या स्कूटरवर ‘लिव्हर आणि किडनी विक्रीसाठी’ असे फलक लावले आहेत, ‘मला भूक लागली आहे … कृपया मला देणगी द्या’ आणि ‘माझ्यातील गायक मरण पावला आहे आणि आता मृत्यूची वाट पहात आहे’ असा फलकही लावण्यात आले आहेत.
रोनाल्ड म्हणाले की, जागतिक महामारीच्या आधी तो एक ‘स्ट्रीट सिंगर’ होता आणि आता त्याची अवस्था भिकार्यासारखी झाली आहे. जो कचऱ्यात येणारे अन्न खायलादेखील टाळत नाही.
आता रस्त्यावर लोक नाहीत – पीटीआय या वृत्तसंस्थेशी बोलताना ते म्हणाले, ‘आता रस्त्यावर लोक नाहीत …. जे रस्ते एकेकाळी भरुन गेले होते ते आता रिकामे झाले आहेत. ऐकण्यासारखे कोणी नाही, म्हणून माझ्यासारख्या ‘स्ट्रीट सिंगर’ ला रोजच्या भाकरीसाठी पैसे कुठे मिळतील?
‘ रोनाल्ड म्हणाले, ‘ जगण्यासाठी भीक मागितल्याशिवाय आणि आपल्या शरीराचे अवयव विकल्याशिवाय दुसरा कोणताही मार्ग नाही.
मला आशा आहे की ज्याला तातडीने अवयव प्रत्यारोपणाची आवश्यकता असेल त्याने माझ्याशी संपर्क साधून माझ्या किडनी आणि यकृतसाठी मला चांगले पैसे द्यावेत.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
