अहमदनगर Live24 टीम, 23 जुलै 2021 :- नगर -औरंगाबाद महामार्गावर खडका फाट्यानजीक महामार्गालगत सुरू असलेल्या गॅस पाईप लाईनच्या पाईपवर कार धडकून अपघातात झाल्याची घटना घडली आहे. या अपघातात एक जण ठार झाला आहे.
याबाबत अधिक माहिती अशी कि, नेवासा तालुक्यातील चिखली येथून दुपारी 4 वाजेच्या सुमारास पनवेल येथे जाण्यासाठी सिडको मुंबई (बेलापूर) चे अभियंते राजकुमार नारायण बडवे (वय 54) व त्यांच्यासोबत अरुण सोपानराव जाधव, कमलाकर शेषराव कांबळे हे निघाले होते.
दरम्यान नगर -औरंगाबाद महामार्गावर खडका फाट्यानजीक महामार्गालगत पतंजली कंपनीच्या नजीक आले असता गाडीवरील ताबा सुटल्याने रस्त्याच्याकडेला असलेल्या गॅस पाईपलाईनच्या पाईपवर त्यांची गाडी धडकली.
अपघाताची माहिती मिळताच पोलीस पथक घटनास्थळी हजर झाले. जखमींना उपचारासाठी नेवासा फाटा येथील खासगी रुग्णालयात दाखल केले असता गंभीर जखमी राजकुमार बडवे यांना मयत घोषित करण्यात आले. अन्य दोघांवर उपचार सुरू आहेत.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
