अहमदनगर Live24 टीम,23 सप्टेंबर 2020 :- बेकायदा वाळूउपसा करणाऱ्या विरोधात अनेकदा प्रशासनाकडून कडक कारवाई करत या घटनांना आळा घालण्याचा प्रयत्न केला जातो. अनेकदा कारवाई करत घटनास्थळावरून वाळूचा डंपर प्रसहांकडून ताब्यात घेतला जातो.
अशीच एक कारवाई करत तहसील कार्यालयाच्या आवारात असलेला ट्रक चक्क वाळूतस्करांनी पळवला आहे. याबाबत माहिती अशी की, नायब तहसीलदार नवनाथ लांडगे हे पोलीस पथकासोबत कारवाईसाठी बाहेर पडले होते.
त्यांना कर्जत रस्त्यावर एक ट्रक वाळू घेऊन येताना दिसला सदर ट्रक थांबवून त्यांनी तहसील कार्यालयात घेण्यास सांगितले. ट्रक तहसील कार्यालयात आणून लावल्यानंतर काही वेळाने वाळूतस्करांनी गेट तोडून वाळूचा ट्रक तहसील कार्यालयातून पळवला.
याबाबत नायब तहसीलदार यांनी प्रांताधिकारी अर्चना नष्टे यांना सदर घटनेची माहिती दिली व वाळूतस्करावर कडक कारवाई करण्याचे आदेश दिले. या घटनेचा महसूल प्रशासनाने निषेध केला असून चार महिन्यांत दुसर्‍यांदा अशी घटना घडली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
