अहमदनगर Live24 टीम, 16 नोव्हेंबर 2020 :- अमेरिकेची ग्लोबल फॉर-कास्टिंग फर्म ऑक्सफोर्ड इकोनॉमिक्सने भारतीय अर्थव्यवस्थेत अपेक्षेपेक्षा जास्त सुधार होण्याची शक्यता वर्तविली आहे.
ऑक्सफोर्ड इकॉनॉमिक्सने म्हटले आहे की, रिझर्व्ह बँक (आरबीआय) डिसेंबरमध्ये होणाऱ्या मॉनिटरिंग पॉलिसी रिव्ह्यू मीटिंग (एमपीसी) मध्ये आर्थिक दर होल्ड करू शकेल.
चौथ्या तिमाहीत चलनवाढ दर 6% पेक्षा जास्त असेल :- ऑक्सफोर्ड इकॉनॉमिक्सने चालू आर्थिक वर्षाच्या चौथ्या तिमाहीत चलनवाढीचा दर 6% टक्क्यांहून अधिक राहण्याचा अंदाज वर्तविला आहे.
चौथ्या तिमाहीत चलनवाढ (महागाई दर ) शिगेला पोहोचू शकते. 2021 च्या आर्थिक हालचालीचा अंदाज जाहीर करण्यात आम्ही खूप काळजी घेतली असल्याचे फर्मचे म्हणणे आहे.
ऑक्टोबरमध्ये किरकोळ महागाई 7.61% वर गेली :- भाज्या व अंडी यांच्या किंमती वाढल्यामुळे ऑक्टोबर 2020 मध्ये किरकोळ चलनवाढीचा दर 7.61% नोंदविला गेला.
गेल्या साडे सहा वर्षातील हा महागाईचा उच्चांक आहे. हे रिझर्व्ह बँकेच्या अंदाजापेक्षा बरेच जास्त आहे. मागील महिन्यात म्हणजे सप्टेंबर 2020 मध्ये महागाईचा दर 7.27% होता.
आर्थिक कार्यात सुधारणा :- ऑक्सफोर्ड इकॉनॉमिक्स म्हणते की आर्थिक क्रियाकलापातील सुधारणेशी संबंधित आकडेवारीच्या आधारे असे म्हणता येईल की
भारतीय अर्थव्यवस्थेत अपेक्षेपेक्षा वेगवान पुनर्प्राप्ती होईल. या जलद रिकवरीच्या शक्यतेमुळे रिझर्व्ह बँक आपल्या सुधारण कार्यक्रमांनाही थांबवू शकते असे फर्मचे म्हणणे आहे.
मूडीजने देखील जीडीपी अंदाजात केली सुधारणा :- मूडीज इन्व्हेस्टर्स सर्व्हिस या आणखी एका संस्थेनेही भारताच्या जीडीपी वाढीच्या अंदाजात सुधारणा केली आहे. 2020 मध्ये भारताची जीडीपी 8.9% ने कमी होईल, असे मूडीज म्हणतात.
यापूर्वी, एजन्सीने 9.6% घट होण्याचा अंदाज व्यक्त केला होता. भारत, ब्राझील, मेक्सिको आणि इंडोनेशियामध्ये आणखी आर्थिक दर कपात होण्याचा अंदाज मूडीजने व्यक्त केला आहे.
दुसर्‍या तिमाहीत जीडीपीमध्ये 8.6% घसरण होण्याचा अंदाज :- चालू आर्थिक वर्षाच्या दुसऱ्या तिमाहीत जीडीपी 8.6 टक्क्यांनी खाली येण्याची शक्यता आरबीआयच्या एका अधिकाऱ्याने वर्तविली आहे.
या अधिकाऱ्याने असे म्हटले आहे की सलग दोन तिमाहीत जीडीपीमध्ये घसरण झाल्यामुळे देश पहिल्यांदाच मंदीच्या चक्रात अडकला आहे. कोविड -19 आणि लॉकडाऊनमुळे जीडीपी पहिल्या तिमाहीत 23.9% ने घटली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
