अहमदनगर Live24 टीम, 23 नोव्हेंबर 2020 :- जिल्ह्यात अवैध धंद्यांचा सुळसुळाट सुरु झाला आहे. गुटखा, तंबाखू, आदी मालाची सुरु असलेली तस्करी रोखण्यासाठी पोलीस प्रशासनाकडून सातत्याने धाडसत्र सुरूच आहे.
यातच नेवासा तालुक्यात एक कारवाई करण्यात आली आहे. गांजा वाहतूक करताना नेवाशातील दोघांना पुणे येथे अटक केली आहे.
पुणे विमानतळ परिसरात ही कारवाई केली. रविंद्र योसेफ आढाव (वय 21), गोरक्षनाथ लक्ष्मण दहातोंडे (वय 41, दोघे रा. नेवासे) या दोघांना अटक केली आहे.
सुमारे 9 लाख रुपयांचा गांजा पुण्याच्या गुन्हे शाखेने पकडला आहे. पोलिसांना वाहनांमध्ये दोन गोण्यांमध्ये 37 किलो 200 ग्रॅम वजनाचा गांजा मिळून आला. दोन्ही आरोपी अहमदनगर जिल्ह्यातील नेवासा तालुक्यातील रहिवाशी आहेत.
आरोपींविरोधात अहमदनगर जिल्ह्यातील सोनई पोलीस स्टेशनमध्ये दारू विक्रीचा गुन्हा दाखल आहे. गांजाची वाहतूक करणारी गाडी पोलिसांनी पकडू नये, यासाठी गाडीच्या समोरील काचेवर प्रेसचे स्टिकर लावले होते.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
