संगमनेर :- संगमनेर विधानसभा मतदारसंघातून काँग्रेसचे प्रदेशाध्यक्ष बाळासाहेब थोरात यांनी उमेदवारी अर्ज दाखल केला आहे.
उमेदवारी अर्जासोबत दिलेल्या संपत्तीच्या विवरणपत्रानुसार थोरात कुटुंबीयांकडे जंगम व स्थावर अशी सुमारे बारा कोटी रुपयांची संपत्ती आहे. त्यात दहा कोटींची स्थावर मालमत्ता आहे.
तर सुमारे दोन कोटी रुपयांची जंगम मालमत्ता आहे. परंतु थोरात यांच्यासह त्यांच्या कुटुंबाकडे एकही वाहन नसल्याचे म्हटले आहे.
बाळासाहेब थोरात हे पुणे विद्यापीठातून बीए झाले असून, पुण्यातील इंडियन लॉ सोसायटीच्या विधी महाविद्यालयातून कायद्याची पदवी घेतली आहे.
बाळासाहेब थोरात, पत्नी कांचन, मुलगी डॉक्टर जयश्री, मुलगा राजवर्धन असे त्यांचे कुटुंब आहे. त्यांच्या कुटुंबाकडे एकत्रितपणे रोख रक्कम, ठेवी, सोने अशी १ कोटी ९८ लाख रुपयांची जंगम मालमत्ता आहे.
बाळासाहेब थोरात यांच्याकडे ८८ लाख ६६ हजार, त्यांच्या पत्नीकडे ६९ लाख, मुलीकडे १३ लाख ५९ हजार, मुलाकडे २७ लाख १४ हजार रुपयांची जंगम मालमत्ता आहे.
त्यांच्या पत्नीकडे १ किलो १७० ग्रॅम सोने आहे. तर थोरात कुटुंबीयांकडे १० कोटी १० लाख रुपये किंमतीची स्थावर मालमत्ता आहे. त्यात काही वडिलोपार्जित शेती आहे.
थोरात यांच्या नावावर ५ कोटी ६६ हजार रुपयांची स्थावर मालमत्ता आहे. संगमनेरमधील जोर्वे येथे थोरात व त्यांच्या पत्नीच्या नावे सुमारे १४ एकर शेती, संगमनेर शहर, जोर्वे येथे रहिवासी इमारत आहेत. त्यांच्याविरुद्ध एकही गुन्हा नसल्याचे शपथपत्रात म्हटले आहे.
- सोन्याच्या किमतीत सलग चौथ्या दिवशी मोठी वाढ! 4 जुलै 2025 रोजी 10 ग्रॅम सोने खरेदीसाठी किती पैसे मोजावे लागणार?
- वाईट काळ समाप्त होणार ! 8 जुलै 2025 पासून ‘या’ राशीच्या लोकांना मिळणार जबरदस्त यश ! नशिबाची मिळणार पावरफुल साथ
- पुणेकरांसाठी महत्त्वाची बातमी ! ‘ह्या’ 2 मेट्रो मार्ग प्रकल्पांना लवकरच केंद्राची मंजुरी, कसे असणार रूट ?
- शेतकऱ्यांना दिलासा! कुकडीच्या डाव्या आणि घोडच्या डाव्या व उजव्या कालव्यातून खरीपासाठी सोडण्यात आले पाणी, विखे पाटलांचा तातडीचा निर्णय
- अहिल्यानगरच्या बाजार समितीत आंब्याच्या भावात मोठी घसरण, डाळिंबाला १६ हजार, संफरचंदाला १२ हजार तर जांभळाला मिळाला ८ हजाराचा भाव
