अहमदनगर Live24 टीम, 10 नोव्हेंबर 2020 :- रागावर नियंत्रण नाही राहिले कि नकळत आपल्या हातून अनपेक्षित घटना घडल्या शिवाय राहत नाही. असाच काहीसा प्रकार शहराच्या अत्यंत वर्दळीच्या परिसरात घडला आहे.
या घटनेमुळे शहरात एकच खळबळ माजली आहे. आई विषयी वाईट वक्तव्य केल्याच्या रागातून एकाने वृद्धाच्या डोक्यात दगड घालून खून केल्याची घटना शहरातील तारकपूर बस स्थानका जवळील मोकळ्या जागेत घडली. दरम्यान या घटनेमध्ये रामदास तुकाराम प्रभूने (वय- 65 रा. बोल्हेगाव, नगर) या व्यक्तीचा मृत्यू झाला आहे.
याबाबत समजलेली माहिती अशी कि, मयत रामदास प्रभूने हा रमेश हिवाळे याच्या आई विषयी कायमच वाईट वक्तव्य करीत असे. रमेश याने रामदास याला अनेक वेळा समजून सांगितले होते. परंतू, तो तरीही वाईटच बोलत असे. रविवारी सायंकाळी रमेश याने रामदास याला कामानिमित्त बोल्हेगाव येथून नगर शहरात आणले.
तारकपूर बस स्थानकाच्या जवळील मोकळ्या जागेमध्ये रमेश याचे रामदास सोबत वाद झाले. रमेशने तेथे पडलेला दगड रामदास याच्या डोक्यात घालून त्याचा जीव घेतला. यानंतर रमेश तेथून निघून गेला. रामदास प्रभूने याचा खून केल्याची घटना रमेशने याने एकाला सांगितली. त्या व्यक्तीने तोफखाना पोलिसांना माहिती दिली.
घटनेची माहिती मिळताच घटनास्थळी पोलीस पथक हजार झाले. रामदास प्रभूने याचा मृतदेह ताब्यात घेऊन शवविच्छेदनासाठी जिल्हा रूग्णालयात पाठविला. या प्रकरणी प्रविण रामदास प्रभूने (वय- 30 रा. बोल्हेगाव) यांनी फिर्याद दिली आहे.
पोलिसांनी आरोपी हिवाळे याला अटक करून न्यायालयासमोर हजर केले असता त्याला तीन दिवसांची पोलीस कोठडी सुनावली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
