Health Tips : दैनंदिन आयुष्यामधील आपल्या ज्या काही सवयी असतात त्या सवयींचा आपल्या आरोग्यावर कळत नकळत परिणाम होत असतो. अगदी तुमच्या उठण्याची आणि झोपण्याची वेळ,
जेवण्याची वेळ तसेच तुमचे इतर दैनंदिन कामे इत्यादी गोष्टींचा परिणाम हा शरीरावर होतो. यातील जर आपण प्रामुख्याने विचार केला तर जेवण करत असताना बऱ्याच लोकांना जेवण करत असताना पाणी पिण्याची सवय असते किंवा जेवण झाल्यानंतर लगेचच पाणी पिण्याचे सवय बहुतेक जणांना असते.
परंतु साध्या वाटणाऱ्या या सवयीचे जर आपण आरोग्यावर होणारे परिणाम पाहिले तर ते खूपच धोकादायक असे आहेत.जेवण झाल्यावर बरेच लोक भरपूर प्रमाणामध्ये पाणी पितात व त्यामुळे समस्या निर्माण होण्याची शक्यता असते. याच अनुषंगाने या लेखांमध्ये जेवण केल्यावर जर लगेच पाणी पिले तर काय समस्या उद्भवू शकतात? याबद्दलची माहिती घेऊ.
जेवण केल्यावर लगेच पाणी पिल्यामुळे उद्भवणाऱ्या समस्या
1- पचनक्रिया होते प्रभावित- समजा तुम्ही जेवण केल्यावर लगेच जर पाणी पिले तर त्यामुळे पचनक्रिया प्रभावीत होण्याची शक्यता असते. जेवण केल्यानंतर पाणी पिल्यामुळे पोटातील ऍसिड पातळ होते व जेवण पचायला खूप मोठी समस्या निर्माण होऊ शकते. त्यामुळे तुम्हाला बद्धकोष्ठता तसेच अपचन पोट फुगणे किंवा पोटामध्ये गॅसेस होणे इत्यादी समस्या उद्भवतात.
2- अन्नातील पोषक तत्व कमी प्रमाणात शोषले जातात- अन्नातील पोषक तत्वांचे शोषण होण्यासाठी पोटामध्ये ॲसिड व इतर पाचक रस आवश्यक असतात. परंतु पाण्यामुळे हे महत्त्वाचे रस पातळ होतात व पोषक तत्व कमी शोषले जातात. या कारणामुळे शरीरात थकवा आणि कमजोरी तसेच इतर समस्या देखील उद्भवू शकतात.
3- पोटात गॅस होण्याची व पोट फुगण्याची समस्या- जेवणानंतर लगेच पाणी पिल्यामुळे पोटातील अन्न आणि गॅस यांचे मिश्रण पातळ होते व पोटात गॅस वाढायला लागतो. त्यामुळे पोट फुगते व पोट देखील दुखायला लागते.
4- अपचन आणि बद्धकोष्ठता- पाणी पिल्यामुळे पोटातील ऍसिड पातळ झाल्यामुळे अन्न पचण्याला अडचण निर्माण होते व अपचन आणि बद्धकोष्ठतेची समस्या निर्माण होते.
5- पोटात ऍसिडिटीची समस्या-पाणी पिल्यामुळे ॲसिड जेव्हा पातळ होते तेव्हा पोटामध्ये ऍसिडिटी वाढते व जळजळ तसेच अल्सर सारखी समस्या निर्माण होऊ शकते.
