Horoscope 2024:- आज पासून दहा दिवसांनी 2023 हे वर्ष संपत असून 2024 हे नवीन वर्ष सुरू होणार आहे. त्यामुळे आपल्यापैकी बऱ्याच जणांना नवीन वर्षाच्या स्वागताची उत्सुकता शिगेला पोहोल्याची सद्यस्थिती आहे. नवीन वर्षाच्या बाबतीत पाहिले तर अनेक दृष्टिकोनातून आपल्याला मोठ्या प्रमाणावर उत्सुकता असते.
जी कामे आपली चालू वर्षांमध्ये अपूर्ण राहिलेली असतात ती नवीन वर्षात पूर्ण होतील अशी अपेक्षा आपल्याला असते. तसेच अनेक नवीन गोष्टी सुरू करण्याचा संकल्प देखील आपण नवीन वर्षाच्या निमित्ताने करत असतो. अगदी त्याच पद्धतीने जर आपण ज्योतिषशास्त्राचा विचार केला तर येणाऱ्या या नवीन वर्षामध्ये ग्रहताऱ्यांच्या बाबतीत देखील अनेक महत्त्वाच्या गोष्टी घडणार असून त्याचा अप्रत्यक्ष आणि प्रत्यक्षरीत्या चांगला किंवा वाईट परिणाम हा राशींवर होणार आहे.
त्यामुळे त्या त्या राशींच्या व्यक्तींना त्या त्या पद्धतीचे परिणाम येणाऱ्या नवीन वर्षामध्ये अनुभवायला मिळणार आहेत. अगदी याच पद्धतीने जर आपण 2024 वर्षाचा विचार केला तर यामध्ये शुक्र आणि शनि हे दोन्ही मित्रग्रह एकत्र येणार असून तब्बल तीस वर्षांनी ही युती होणार असल्याचे देखील ज्योतिष अभ्यासकांनी माहिती दिलेली आहे.
त्यामुळे हा कालावधी काही राशींसाठी खूप भाग्याचा ठरणार आहे. ज्योतिष शास्त्राची माहिती पाहिली तर शुक्र 2024 मध्ये कुंभ राशीत भ्रमण करणार आहे तर शनिदेव अगोदरच कुंभ राशीत विराजमान आहेत. विशेष म्हणजे 2025 या वर्षापर्यंत शनिदेव कुंभ राशीत स्थित असणार असल्यामुळे या कालावधीत अनेक राजयोग देखील निर्माण होण्याची शक्यता आहे. त्यामुळे आपण या लेखात शनी व शुक्र युतीचा लाभ नेमक्या कोणत्या राशींना मिळणार आहेत ते पाहू.
शनि व शुक्र ग्रहांचा लाभ मिळेल या राशींना
1-वृषभ– या राशीच्या कुंडलीमध्ये दहाव्या भावामध्ये शनि व शुक्र एकत्र येणार आहेत. या युतीच्या प्रभावामुळे वृषभ राशींच्या व्यक्तींना कामाच्या ठिकाणी सहकाऱ्यांचे खूप मोठे सहकार्य मिळणार आहे.तसेच वरिष्ठ व्यक्तींच्या कौतुकाने भारावून जाण्याचा हा कालावधी आहे.
जर तुमचा जमिनीचा एखादा जुना व्यवहार अडकला असेल तर तो व्यवहार मार्गी लागण्याची शक्यता आहे. काही प्रकरणी कोर्टात असतील तर तुमच्या बाजूने निकाल लागण्याची शक्यता आहे. लग्नाची व एखाद्या समारंभाच्या निमित्ताने तुमच्या प्रिय नातेवाईकांची भेट होण्याची शक्यता आहे. तुम्हाला या कालावधीत अगोदर घेतलेल्या कष्टाचा पुरेपूर फायदा होण्याची शक्यता आहे.
2- मेष– कुंभ राशी मध्ये 2024 या वर्षात शनी व शुक्राची युती झाल्याबरोबर मेष राशीच्या व्यक्तींचे चांगले दिवस सुरू होणार आहेत. या कालावधीत तुमचे जे काही सुरू कामे असतील त्याबद्दल तुम्हाला चांगले परिणाम पाहायला मिळतील.या कालावधीत लक्ष्मीची कृपा तुमच्यावर राहणार आहे तसेच धनार्जनाकरिता मुख्य माध्यम सरस्वतीची कृपा असणार आहे.
तुमच्या बोलण्यातून तुम्ही अनेक लोकांवर चांगला प्रभाव पाडू शकणार आहात व यामुळे तुम्हाला चांगला धनलाभ होण्याची चिन्हे आहेत. या कालावधीत तुमच्या व्यवसायामध्ये देखील वाढ होणार आहे व वाढ झाल्याने समाजामध्ये तुम्हाला मानाचे स्थान मिळणार आहे.
3- सिंह– येणाऱ्या कालावधीमध्ये सिंह राशींच्या व्यक्तींना जीवनात स्थैर्य मिळणार आहे. 2024 मध्ये या राशींचे व्यक्ती यशाच्या शिखरावर पोहोचण्याची शक्यता आहे. या कालावधीत तुमचे मानसिक आरोग्य देखील खूप उत्तम असणार आहे. या कालावधीत तुम्हाला चांगले यश व प्रगती मिळणार असल्याने शांतता व समाधानाचा अनुभव तुम्ही घेऊ शकणार आहात.
या कालावधीत तुम्हाला मिळालेले समाधानच तुमचे चांगले व योग्य निर्णय घेण्यासाठी फायद्याचे ठरणार आहे. तसेच स्थान बदल झाल्यामुळे तुम्हाला धनलाभ होऊ शकणार आहे.
4- मिथुन– यावर्षी म्हणजे 2023 मध्ये मिथुन राशींचे जे काही व्यक्ती होते त्यांची शनीच्या साडेसातीमधून सुटका झाली होती. आता या येणाऱ्या 2024 या वर्षात शनी शुक्राच्या प्रभावामुळे मिथुन राशीच्या कुंडलीत नवव्या स्थानी स्थिर होणार आहे. त्यामुळे तुम्हाला या कालावधीत नशिबाची खूप चांगली साथ मिळणार आहे.
तुमचा व्यवसाय असेल तर तुम्हाला चांगला नफा मिळू शकतो. नोकरीमध्ये तुम्ही ज्या संधीची वाट पाहत होता ते संधी मिळण्याची पूर्ण चिन्ह या येणाऱ्या वर्षांमध्ये आहेत. तसेच अनपेक्षित धन लाभ होण्याची देखील शक्यता आहे व जर काही पैसे अडकले असतील तर ते देखील परत मिळू शकणार आहेत.
(टीप– वरील माहिती ज्योतिष शास्त्रावर आधारित असून ती माहिती तुमच्यापर्यंत पोहोचवण्यासाठी माध्यम म्हणून आम्ही काम करत आहोत. याबद्दल आम्ही कुठल्याही प्रकारचा दावा करत नाहीत.)
