Horoscope In Margshirsh 2023:- वर्षातील जर आपण मराठी महिन्यांचा विचार केला तर श्रावण आणि मार्गशीर्ष या दोन महिन्यांना खूप महत्त्व आहे. हिंदू धर्मामध्ये श्रावण महिन्याला जितके महत्त्व आहे त्याच बरोबरीचेच महत्त्व आणि पवित्र महिना म्हणून मार्गशीर्ष महिना ओळखला जातो.
आपल्याला माहित आहे की या महिन्यांमध्ये महिलावर्ग लक्ष्मी मातेचे म्हणजेच गुरूवारची व्रत करतात. या दिवशी घरामध्ये माता लक्ष्मीची स्थापना करून पूजाअर्चा केली जाते. यावर्षी मार्गशीर्ष महिना हा 13 डिसेंबर 2023 पासून सुरू झाला असून या महिन्याच्या पहिल्याच दिवशी बुध हा वक्री होणार आहे.
त्यासोबतच प्रत्येक महिन्यामध्ये जसा काही राशींच्या लोकांवर काही ग्रहांचा परिणाम होत असतो अगदी त्याच नुसार मार्गशीर्ष महिन्यात देखील काही राशींच्या लोकांवर चांगले किंवा वाईट परिणाम होणार आहेत. त्या अनुषंगाने या लेखात हा महिना म्हणजेच मार्गशीर्ष महिना कोणत्या राशींच्या व्यक्तींसाठी चांगला राहणार आहे किंवा भाग्यशाली राहणार आहे हे आपण बघणार आहोत.
या राशींच्या व्यक्तींकरिता मार्गदर्शक महिना आहे भाग्यवान
1- मेष– जसे नवीन वर्षामध्ये काही राजयोग निर्माण होणार आहेत तसेच मार्गशीर्ष महिन्यामध्ये देखील अनेक प्रकारचे राजयोग निर्माण होणार आहेत. मेष राशींच्या व्यक्तींकरिता हा महिना भाग्याचा असून त्यांच्याकरिता यशाचे मार्ग खुले होण्याची शक्यता आहे.
मेष राशीचे व्यक्ती या महिन्यांमध्ये त्यांच्या करिअरमध्ये भरपूर प्रगती करतील. तसेच व्यवसायिकांना देखील हा महिना आर्थिक फायदा देणारा ठरणार आहे.
आर्थिक संकटात असेल तर ते दूर होण्यास मदत होणार असून तुमची आर्थिक स्थिती मजबूत होणार आहे. एवढेच नाही तर आर्थिक उत्पन्नाचे नवीन साधने तुम्हाला सापडणार आहेत. तसेच या महिन्यांमध्ये एखादी आनंदाची बातमी तुम्हाला समजू शकते.
2- तुळ– तूळ राशींच्या व्यक्तींकरिता मार्गशीर्ष महिना खूप चांगला ठरणार असून या महिन्यात तुम्हाला राज योगाचे अनेक फायदे मिळणार आहेत. तुम्ही केलेल्या सर्व कष्टांचे फळ या महिन्यात तुम्हाला मिळणार आहे. जे लोक नोकरी शोधत आहेत त्यांना नोकरीची चांगली ऑफर मिळण्याची शक्यता आहे व तुमची कारकीर्द यशाचे नवीन शिखर गाठणार आहे. व्यवसायात देखील चांगला फायदा होणार आहे.
3- धनु– धनु राशीच्या व्यक्तींचे नशिबाचे दरवाजे या महिन्यात उघडणार असून आर्थिक स्थिती अगोदर पेक्षा चांगल्या स्थितीत येणार आहे. एवढेच नाही तर आर्थिक उत्पन्नाचे स्त्रोत देखील वाढणार आहेत. मार्गशीर्ष महिन्यामध्ये धनु राशीच्या व्यक्तींना करिअरमध्ये देखील चांगल्या संधी मिळणार आहेत व येणाऱ्या भविष्यात दुप्पट फायदा मिळणार आहे.
ज्या ठिकाणी तुम्ही नोकरी करता त्या ठिकाणी तुमचं महत्त्व वाढणार असून तुमचे स्थान मजबूत होणार आहे व तुम्हाला मानसन्मान देखील मोठ्या प्रमाणावर मिळणार आहे. मार्गशीर्ष महिन्यामध्ये जी कामे अपूर्ण असतील ती कामे तुमची पूर्ण होणार आहेत.
(टीप– वरील माहिती ज्योतिषशास्त्रावर आधारित असून ती माहिती तुमच्यापर्यंत पोहोचवण्यासाठी माध्यम म्हणून आम्ही काम करत आहोत. याविषयी आम्ही कुठल्याही प्रकारचा दावा करत नाहीत.)
