2023 या वर्षाचे सात दिवस बाकी असून त्यानंतर 2024 या वर्षाचे आगमन होणार असून या नवीन वर्षाचे स्वागताची उत्सुकता प्रत्येकालाच आहे. ज्याप्रमाणे नवीन वर्षामध्ये अनेक नवनवीन गोष्टी घडत असतात किंवा नवनवीन गोष्टी करण्याचे ठरवले जाते. अगदी त्याच पद्धतीने जर आपण ज्योतिषशास्त्राचा विचार केला तर त्यानुसार देखील ग्रहांमध्ये देखील अनेक प्रकारचे बदल होत असतात व ते वेळोवेळी मार्गी आणि वक्री देखील होतात.
या ग्रहांच्या स्थितीचा व्यक्तींच्या जीवनावर चांगला किंवा वाईट परिणाम होत असतो. प्रत्येक राशींमध्ये असलेले वेगवेगळ्या ग्रहांचे वेगवेगळे स्थान ज्योतिष शास्त्रानुसार त्या त्या पद्धतीने सकारात्मक किंवा नकारात्मक परिणाम संबंधित व्यक्तीच्या आयुष्यावर घडत असतात.
अगदी याच पद्धतीने जर आपण व्यवसाय आणि उद्योगासाठी महत्त्वाचा आणि जबाबदार असलेला बुध ग्रहाचा विचार केला तर येत्या 28 डिसेंबर रोजी हा ग्रह वृश्चिक राशीमध्ये वक्री होणार आहे व बुध ग्रहाच्या या स्थितीमुळे काही व्यक्तींचे करियर आणि व्यवसायामध्ये काही बदल किंवा प्रगती होण्याची शक्यता देखील आहे. बुध ग्रहाच्या या वक्र स्थितीचा फायदा कोणत्या राशींना होऊ शकतो? याबद्दलची माहिती आपण या लेखात घेणार आहोत.
बुध ग्रहाच्या वक्री स्थितीमुळे या राशींचे भाग्य पालटणार
1- तूळ– तूळ राशींच्या व्यक्तीसाठी वृश्चिक राशीत बुधाची वक्री गती शुभसिद्ध होऊ शकणार असून नोकरी आणि व्यवसायामध्ये यश मिळण्याची दाट शक्यता आहे. तसेच येणाऱ्या वर्षांमध्ये तुम्ही घेतलेल्या कष्टाचे फळ देखील मिळेल. या राशींच्या लोकांना अपेक्षित पदोन्नती तर मिळेलच किंवा त्या सोबत पगारात देखील वाढ होण्याची शक्यता आहे.
विद्यार्थ्यांना विदेशात शिक्षण घेण्याची इच्छा आहे.ती इच्छा पूर्ण होण्याचा हा कालावधी आहे. एवढेच नाही तर 2024 या वर्षांमध्ये आर्थिक स्थिती मजबूत होण्यास मदत होणार आहे. तूळ राशींच्या व्यक्तींचे करियर आणि व्यवसायामध्ये देखील यांना यश मिळेल. त्यामध्ये चांगला नफा मिळण्याची शक्यता आहे.
2- मकर– बुध ग्रहाच्या वक्र स्थिती मुळे मकर राशींच्या व्यक्तींना अनेक प्रकारचे भौतिक सुख मिळण्याची शक्यता असून व्यवसायामध्ये देखील चांगला नफा होऊ शकतो. मकर राशीचे जे व्यक्ती बेरोजगार आहेत त्यांना 2024 मध्ये नवीन ठिकाणी नोकरी मिळू शकते व त्यासोबतच येणाऱ्या वर्षात उत्पन्नाचे नवीन स्त्रोत देखील निर्माण होतील
व उत्पन्नात चांगली वाढ होण्याची शक्यता आहे. तुम्ही जर गुंतवणूक केलेली असेल तर त्यामधून तुम्हाला चांगला परतावा मिळू शकतो. व्यापारी लोकांना चांगला आर्थिक नफा मिळण्याची शक्यता आहे व कौटुंबिक स्तरावर शांती व समाधान लाभेल.
3- कर्क– वृश्चिक राशीत असलेल्या बुध ग्रहाच्या वक्र चालीमुळे कर्क राशीच्या व्यक्तींना देखील चांगला फायदा होणार आहे व कामाच्या ठिकाणी नफा मिळण्याची शक्यता आहे.
या कालावधीमध्ये तुम्ही ती घेतलेली कुठलेही कामे पूर्ण होऊ शकतात.प्रत्येक कामामध्ये यश मिळणार आहे. काही कामे रखडलेली असतील तर ते मार्गे लागणार आहेत. आर्थिक स्थिती सुधारण्याची देखील शक्यता असून आरोग्य देखील उत्तम असणार आहे. बुध ग्रहाच्या या स्थितीमुळे कर्क राशींच्या व्यक्तींच्या नवे वर्ष सुख-समृद्धी आणि भरभराटीने जाण्याची शक्यता आहे.
( टीप– वरील माहिती ही ज्योतिषशास्त्रावर आधारित असून ती तुमच्यापर्यंत पोहोचवण्याकामी आम्ही माध्यम म्हणून काम करत आहोत. याविषयी आम्ही कुठल्याही प्रकारचा दावा करत नाही.)
