Atal Pension Yojana : अटल पेन्शन योजना तुमच्यासाठी अतिशय गरजेची असून निवृत्तीनंतर सुरक्षित जीवन जगू इच्छिणारे या योजनेत गुंतवणूक (investment) करू शकतात. या योजनेत गुंतवणूक केल्यास तुम्हाला दरमहा 5 हजार रुपये पेन्शन मिळू शकते.
यावर्षी एक कोटी लोकांनी खाती उघडली
या योजनेत आतापर्यंत 4 कोटींहून अधिक ग्राहक (customer) जोडले गेले आहेत. या योजनेत सहभागी होणाऱ्यांची संख्या वर्षानुवर्षे वाढत आहे. पेन्शन फंड रेग्युलेटर (PFRDA) नुसार, 2021-22 या आर्थिक वर्षात 99 लाखांहून अधिक लोकांनी (सुमारे 1 कोटी) APY खाती उघडली आहेत.
ग्राहकांची संख्या 4 कोटींच्या पुढे गेली आहे
यानंतर 31 मार्च 2022 पर्यंत योजनेच्या ग्राहकांची संख्या 4.01 कोटी झाली आहे. ही योजना सरकारने 2015 मध्ये सुरू केली होती. 2018-19 मध्ये 70 लाख ग्राहक या योजनेशी जोडले गेले होते. यानंतर 2020-21 मध्ये 79 लाख लोक या योजनेत सामील झाले. आता 2021-22 मध्ये या योजनेत सामील होणाऱ्यांची संख्या एक कोटीच्या पुढे गेली आहे.
योजना कोणासाठी फायदेशीर आहे?
मोदी सरकारने (Modi Govt) असंघटित क्षेत्रात काम करणाऱ्या लोकांना लक्षात घेऊन अटल पेन्शन योजना (APY) सुरू केली होती. पण नंतर त्यात बदल करण्यात आला आणि आता 18 ते 40 वयोगटातील कोणताही भारतीय नागरिक यामध्ये नोंदणी करू शकतो. तुम्ही बँक किंवा पोस्ट ऑफिस खात्याद्वारे अटल पेन्शन योजनेत सामील होऊ शकता.
दरमहा 5000 पेन्शन
या योजनेत वयाच्या 60 वर्षानंतर पेन्शन मिळू लागते. त्यात तुम्हाला किती गुंतवणूक करायची आहे हे तुमच्या वयावर अवलंबून आहे. APY मध्ये, तुम्हाला किमान मासिक 1,000 रुपये आणि कमाल 5,000 रुपये प्रति महिना पेन्शन मिळते.
इतके पैसे दरमहा जमा करावे लागतील
जितक्या लवकर तुम्ही या योजनेत गुंतवणूक सुरू कराल तितकाच तुम्हाला फायदा होईल. वयाच्या 18 व्या वर्षी या योजनेत सामील होण्यासाठी तुम्हाला वयाच्या 60 व्या वर्षापर्यंत दरमहा 210 रुपये जमा करावे लागतील.
यासोबत तुम्हाला वयाच्या 60 नंतर दरमहा 5000 रुपये मिळतील. तसेच 1000 रुपयांच्या पेन्शनसाठी 42 रुपये, 2000 रुपयांच्या मासिक पेन्शनसाठी (monthly pension) 84 रुपये, 3000 रुपयांच्या पेन्शनसाठी 126 रुपये आणि 4000 रुपयांच्या पेन्शनसाठी 168 रुपये दरमहा जमा करावे लागतील.
