अहमदनगर Live24 टीम, 14 नोव्हेंबर 2020 :- नगर – कल्याण बायपास जवळील लामखडे पेट्रोल पंपाजवळ एका वाहनचालकाची गळा चिरून हत्या करण्यात आल्याची धक्कादायक घटना घडली.
याप्रकरणी एमआयडीसी पोलीस ठाण्यात गुन्हा दाखल करण्यात आला होता. याप्रकरणातून एक महत्वाची माहिती समोर आली आहे.
या धक्कादायक प्रकरणामुळे जिल्ह्यात एकच खळबळ माजली होती. दरम्यान नुकताच या खुनाचा उलगडा झाला असून पैशाच्या वादातूनच मित्रानेच त्याचा गळा चिरल्याचे उघडकीस आले आहे.
या घटनेच्या दुसऱ्या दिवशीच आरोपीला जेरबंद करण्यात आले आहे. विशाल माणिक घायामुक्ते रा. शाहूनगर केडगाव असे अटक केलेल्या आरोपीचे नाव आहे.
गुरुवारी सकाळी ८ वाजता निंबळक बायपास येथे लामखेडे पेट्रोल पंपाजवळ रामदास बन्सी पंडित या वाहनचालकाचा मृतदेह आढळून आला होता.
मृताच्या गळ्यावर धारदार शस्त्राचे वार आढळून आले होते. मयताचा मुलगा अशोक रामदास पंडित याने एमआयडीसी पोलीस ठाण्यात फिर्याद दिली होती.
या फिर्यादीवरून गुन्हा दाखल करण्यात आला होता. पोलिसांनी तातडीने तपास सुरु केला. याप्रकरणात विशाल घायमुक्ते यानेच खून केल्याचे उघडकीस आले आहे.
मयत पंडित व घायमुक्ते हे एकेकाळी सोबत काम करीत असत. त्यावेळी झालेल्या पैशाच्या देवानघेवाणीतून दोघांत वाद झाला होता. याच वादातून घायमुक्ते यांनी हा खून केल्याची कबुली जबाब दिला असल्याचे पोलिसांनी सांगितले.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
