अहमदनगर Live24 टीम,27 ऑक्टोबर 2020 :- महिला अत्याचाराच्या घटनांमध्ये वाढ होत आहे. तसेच काही दिवसांपासून अल्पवयीन मुलींना पळवून नेणे, तसेच त्यांच्यावर अत्याचार करणे अशा घटनांमुळे पालकवर्गांमध्ये भीतीचे वातावरण निर्माण झाले आहे.
नुकतेच कर्जत तालुक्यातील दुरगाव येथील एका सहा वर्षीय मुलीवर अत्याचार केल्याची धक्कादायक घटना घडली आहे. याप्रकरणी मुलीच्या आईने कर्जत पोलीस स्टेशनमध्ये गुन्हा दाखल केला आहे.
या गुन्ह्यातील आरोपी जालिंदर श्रीपती सोनवणे, रा. दुरगाव हा फरार आहे. याबाबत दिलेली फिर्याद अशी, पीडित सहा वर्षीय मुलगी ही चुलत बहिणीबरोबर खेळत होती.
त्यावेळी किराणा दुकानदार जालिंदर सोनवणे याने त्यांना दुकानात बोलावून घेतले. त्यानंतर तोंड दाबून अत्याचार केला तसेच आई- वडील तसेच तुला जीवे मारून टाकण्याची धमकी दिली.
याप्रकरणी संबंधित आरोपीवर गुन्हा दाखल करण्यात आलेला आहे. आरोपीला तात्काळ अटक करण्यात यावी अशी मागणी युवक क्रांती दलाच्या वतीने करण्यात आली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
