अहमदनगर Live24 टीम, 07 फेब्रुवारी 2021:- आदर्श पाटोदाचे माजी सरपंच भास्करराव पेरे पाटील यांच्यावर गुन्हा दाखल करण्याची करण्यात आलेल्या मागणीचा विचार करून अखेर पेरे यांच्यावर गुन्हा दाखल करण्यात आला आहे.
जामखेड तालुक्यातील मोहा येथे झालेल्या कार्यक्रमात पत्रकारांविषयी आक्षेपार्ह वक्तव्य केल्याने आदर्श गाव पाटोदा (जि. औरंगाबाद) येथील माजी सरपंच भास्करराव पेरे पाटील यांच्यावर जामखेड पोलीस ठाण्यात रविवारी (दि.७) गुन्हा दाखल झाला आहे.
याप्रकरणी जामखेड पत्रकार संघाचे अध्यक्ष अशोक निमोणकर यांनी फियार्द दिली आहे. दरम्यान दि. ३१ जानेवारी रोजी मोहा येथील एका कार्यक्रमात केलेल्या भाषणात पेरे पाटील यांनी पत्रकारांना हलकट, हरामखोर असे अपशब्द वापरले होते.
तेव्हा जामखेडमधील सर्व पत्रकारांनी एकत्र येत याचा निषेध केला होता. याबाबत तहसीलदार व पोलीस निरीक्षक यांना निवेदन देऊन गुन्हा दाखल करण्याची मागणी केली होती.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
