पारनेर | मोटारसायकल घसरल्याने आमदार नीलेश लंके किरकोळ जखमी झाले. त्यांनी मंगळवारी टाकळी ढोकेश्वर येथील ग्रामीण रूग्णालयात पायाला झालेल्या जखमेवर उपचार करून घेतले.
आमदार झालो, तरी आपण सामान्य कुटुंबातीलच आहोत, हे त्यांनी आपल्या कृतीतून दाखवले. सोमवारी मतमोजणी सुरू होती, त्यावेळी लंके हे आपल्या घरीच होते.
मतांची आघाडी वाढत असल्याने कार्यकर्त्यांच्या इच्छेखातर ते मोटारसायकलीवरून सुप्याला निघाले. काही अंतर गेल्यावर पावसामुळे झालेल्या चिखलात गाडी घसरून लंके यांच्या पायास व हाताच्या बोटांना दुखापत झाली.
त्यावर उपचार करण्यात आल्यानंतर विजयाच्या जल्लोषादरम्यान जखमांवर पुन्हा उपचार करण्यास लंके यांना सवडच मिळाली नाही.
मंगळवारी वासुंदे येथील सभा आटोपल्यानंतर लंके ग्रामीण रूग्णालयात गेले. उपचार घेण्यापूर्वी अन्य रूग्णांची चौकशी करून सुविधा मिळतात का, काही अडचणी आहेत का याची त्यांनी आस्थेवाईकपणे चौकशी केली.
- देशातील कोणती सरकारी आणि खाजगी बँक 100000 रुपयांच्या FD वर देणार सर्वाधिक रिटर्न ? वाचा सविस्तर
- पुणे – मुंबई प्रवास होणार वेगवान ! ‘या’ तारखेला सुरू होणार नवा मार्ग, वाचा सविस्तर
- 2026 मध्ये कोणते शेअर्स बनवणार श्रीमंत ? ‘हे’ Top 5 Shares ठरतील गेमचेंजर
- नर्सरीपासून ते बारावी पर्यंतच्या शालेय विद्यार्थ्यांसाठी महत्त्वाची बातमी ! ‘या’ राज्यातील शाळा पुढील तीन दिवस बंद राहणार
- 3 जानेवारी 2026 पासून ‘या’ राशीच्या लोकांचे भाग्य चमकणार ! मिळणार जबरदस्त यश