अहमदनगर Live24 टीम,28 ऑक्टोबर 2020 :- महिला अत्याचाराच्या घटनांवरून जिल्ह्यात सध्या वातावरण तापले आहे. नुकतीच कर्जत तालुक्यातील दुरगाव येथील एका सहा वर्षीय मुलीवर अत्याचार केल्याची धक्कादायक घटना घडली होती.
याप्रकरणी मुलीच्या आईने कर्जत पोलीस स्टेशनमध्ये गुन्हा दाखल केला होता. या गुन्ह्यातील आरोपी जालिंदर श्रीपती सोनवणे, (रा. दुरगाव) याला कर्जत पोलिसांनी जामखेड तालुक्यात अटक केली आहे.
याबाबत अधिक माहिती अशी कि, पीडित सहा वर्षीय मुलगी ही चुलत बहिणीबरोबर खेळत होती. त्यावेळी किराणा दुकानदार जालिंदर सोनवणे याने त्यांना दुकानात बोलावून घेतले.
त्यानंतर तोंड दाबून अत्याचार केला तसेच आई- वडील तसेच तुला जीवे मारून टाकण्याची धमकी दिली होती. याप्रकरणी बाललैंगिक अत्याचार अधिनियमानुसार संबंधित आरोपीवर गुन्हा दाखल करण्यात आलेला होता.
युवक क्रांती दलाच्या वतीने आरोपीला अटक करण्याची मागणी करण्यात आली होती. अखेर पोलिसांनी या आरोपीला जेरबंद केले आहे. पोलिसांच्या या तात्काळ कारवाईमुळे नागरिकांकडून पोलीस प्रशासनाचे कौतुक केले आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
