अहमदनगर Live24 टीम, 9 नोव्हेंबर 2020 :- नेवासा तालुक्यात खडका शिवारात शेती गट नं. १५५/५ येथे टॅक्टरचालक ट्रॅक्टर हार्वेस्टरने ऊसाची तोड चालू असताना ट्रॅक्टरमागे उसाची टिपरे वेचणारी महिला साखरबाई दामोधर थोरात, (वय ७० रा. खडका) या महिलेस ट्रॅक्टर चालकाने निष्काळजीपणे, अविचाराने परिस्थितीकडे दुर्लक्ष करुन भरधाव वेगात ट्रॅक्टर चालवून महिलेस धडक देवुन उडविले.
या अपघातात साखरबाई थोरात ही महिला जागीच ठार झाली. काल १२ ते १२.३० दरम्यान हा अपघात झाला. मयत महिलेचा मुलगा ज्ञानेश्‍वर दामोधर थोरात यांनी नेवासा पोलिसात फिर्याद दिल्यावरून ट्रॅक्टर चालक आरोपी हरिभाऊ नामदेव काळे,
(रा. खामगाव, ता. नेवासा) याच्याविरुद्ध अपघाताचा गुन्हा दाखल करण्यात आला आहे. दरम्यान या प्रकरणाचा हे.का ठोंबे हे पुढील तपास करीत आहेत.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
