Home Loan : गेल्या काही दिवसांत अनेक बँकांनी त्यांच्या गृह कर्जाचे दर वाढवले आहेत. जवळपास प्रत्येक बँकेचे गृहकर्ज महाग झाले आहे. गृहकर्जाचा विचार केल्यास, बहुतेक व्यावसायिक बँका आरबीआयच्या रेपो दरानुसार फ्लोटिंग रेट पर्याय निवडतात. गृहकर्ज हे वय, उत्पन्न, घरात राहणारे लोक, तुमच्या जीवनसाथीचे उत्पन्न, तुमचा पगार किंवा व्यवसाय आणि मालमत्तेची स्थिरता यावर अवलंबून असते.
गृहकर्जाचा व्याजदर बँकेनुसार ठरवला जातो
गृहकर्जाचा व्याजदर तुम्ही कर्जासाठी कोणत्या बँकेत अर्ज करत आहात यावर अवलंबून आहे. RBI म्हणते की, बँकांना कर्जदारांकडून बाह्य बेंचमार्क दरापेक्षा जास्त मार्जिन अधिक जोखीम प्रीमियम आकारण्याची परवानगी आहे. या प्रकरणात, अंतिम दर जोखीम प्रीमियमवर अवलंबून असतो जो CIBIL किंवा इतर घटकांवर अवलंबून असतो. अशातच तुम्ही सध्या गृह कर्जाचा विचार करत असाल तर आम्ही तुमच्यासाठी अशा बँकांची यादी घेऊन आलो आहोत, ज्या कमी दराने कर्ज देत आहेत.
सध्या या बँका कमी व्याजाने कर्ज देत आहेत
एचडीएफसी बँक, खाजगी क्षेत्रातील सर्वात मोठी बँक, किमान ८.५ टक्के आणि कमाल ९.४ टक्के वार्षिक व्याजाने गृहकर्ज देते. त्याचवेळी इंडियन बँकही त्यानुसार आपल्या ग्राहकांना गृहकर्ज देत आहे. तसेच पंजाब नॅशनल बँक किमान ८.५% आणि जास्तीत जास्त १०.१% दराने गृहकर्ज देत आहे. इंडसइंड बँक आपल्या ग्राहकांना किमान ८.५% आणि जास्तीत जास्त १०.५५% दराने गृहकर्ज देत आहे. बँक ऑफ इंडिया आपल्या ग्राहकांना किमान ८.५ टक्के आणि जास्तीत जास्त १०.६ टक्के दराने व्याज देत आहे. IDBI बँक किमान 8.55 टक्के आणि कमाल 10.3 टक्के गृहकर्ज देत आहे.
बँक ऑफ महाराष्ट्र किमान ८.६ टक्के आणि कमाल १०.३ टक्के गृहकर्ज देत आहे. बँक ऑफ बडोदा किमान 8.6% आणि कमाल 10.5% गृहकर्ज देते. SBI किमान ८.७% आणि कमाल ९.६५% दराने गृहकर्ज देते. युनियन बँक ऑफ इंडिया आपल्या ग्राहकांना किमान ८.७ टक्के आणि कमाल १०.८ टक्के गृहकर्ज देते.
