अहमदनगर :- डॉ. सुजय विखे यांना अहमदनगर मतदारसंघातून तब्बल २ लाख ८१ हजार ४७४ मताधिक्य मिळाले. पाथर्डी तालुक्यातून सर्वाधिक ५४ हजार ८३५ मताधिक्य असून दुसऱ्या क्रमांकाची ५४ हजार १४९ मते नगर तालुक्यातून मिळाली.
या मताधिक्यात महाआघाडी आणि निष्ठावंत भाजपचा वाटा आहे. आमदार शिवाजी कर्डिले यांचा या यशात कोणताही संबंध नाही. त्यांना जनतेने सपशेल नाकारले, असा आरोप महाआघाडीने रविवारी पत्रकार परिषदेत केला.
हॉटेल यश पॅलेस येथे झालेल्या महाआघाडीच्या पत्रकार परिषदेस शिवसेनेचे जिल्हाप्रमुख शशिकांत गाडे, नगरसेवक योगीराज गाडे, जिल्हा परिषद सदस्य संदेश कार्ले, शरद झोडगे, अनिल कराळे, काँग्रेसचे बाळासाहेब हराळ, सभापती रामदास भोर, प्रवीण कोकाटे, तालुकाप्रमुख राजू भगत, खडकीचे उपसरपंच भाऊसाहेब रोकडे, संजय कोतकर आदी उपस्थित होते.
गाडे म्हणाले, नगर तालुक्यातील गावे श्रीगोंदे, पारनेर व राहुरी मतदारसंघात विभागली गेली असल्याने नगर तालुक्यातुन नक्की किती मताधिक्य कोणाला मिळाले हे दिसून येत नाही. पण आम्ही या तिन्ही मतदारसंघातील नगर तालुक्यातील गावांची आकडेवारी बाजूला केली आहे.
श्रीगोंदे विधानसभा मतदारसंघाला जोडलेल्या गावांमधून डॉ. विखे यांना १२ हजार १०१, पारनेर विधानसभा मतदारसंघातील गावांमधून २२ हजार १३५ आणि राहुरी विधानसभा मतदारसंघातील गावांमधून १९ हजार ७२ मतांचे मताधिक्य डॉ. विखे यांना आहे.
नगर तालुक्यातील एकूण मताधिक्य हे ५४ हजार १४९ मतांचे आहे. सर्वाधिक मताधिक्य हे पाथर्डी तालुक्यातून ५४,८३५, नगर तालुका – ५४१४९, नगर शहर – ५२२८१, राहुरी – ३९२०८, शेवगाव – १९३८६, श्रीगोंदे – १८४९१, जामखेड – १६०४४, पारनेर – १४५७४, कर्जत – ८६२९ असे मताधिक्य आहे. नगर तालुक्यात जिल्ह्यातील दुसऱ्या क्रमांकाचे मताधिक्य आहे.
- लोकनेते बाळासाहेब थोरात यांचे आवाहन! आ.तांबेंची तत्काळ अंमलबजावणी,पहिल्याच रात्री रस्त्यांची स्वच्छता; नगराध्यक्षांसह नगरसेवक मैदानात
- मृत सिद्धेश कडलगच्या कुटुंबीयांची भेट घेत पालकमंत्र्यांनी केले सांत्वन
- पुणे मेट्रोने प्रवास करणाऱ्या प्रवाशांसाठी महत्त्वाची बातमी ! शहरातील ‘या’ स्थानकांच्या नावांमध्ये झाला मोठा बदल
- पोस्टाची ‘ही’ योजना गुंतवणूकदारांना बनवणार श्रीमंत, 5 वर्षात मिळणार 15 लाख रुपये, पहा डिटेल्स
- ‘या’ कंपनीचे शेअर्स गुंतवणूकदारांना देणार 80% पर्यंत रिटर्न ! 2026 मध्ये ‘हे’ 5 शेअर्स ठरतील वरदान