PF : संघटित क्षेत्रात काम करत असणाऱ्या जवळपास सर्व कर्मचाऱ्यांच्या पगारातून प्रत्येक महिन्याला भविष्य निर्वाह निधीची ठराविक रक्कम कापण्यात येते. ही रक्कम कर्मचारी भविष्य निर्वाह निधी संघटना या भारत सरकारच्या कामगार मंत्रालयाच्या अंतर्गत असणाऱ्या संस्थेकडे जमा करते.
ईपीएफओ आता आपल्या प्रत्येक कर्मचाऱ्याच्या नावावर एक ईपीएफ खाते उघडते, यामध्ये ते त्या कर्मचाऱ्याची पीएफ रक्कम जमा करते. परंतु, तुमची कंपनी ही रक्कम तुमच्या खात्यात जमा करते की नाही ते जाणून घ्या. नाहीतर तुम्हाला खूप मोठा आर्थिक फटका बसू शकतो.
फॉलो करा या स्टेप्स
स्टेप 1
- जर तुमच्या पगारातून पीएफ कापला जात असेल तर तुम्ही हे पैसे तुमच्या पीएफ खात्यात जमा केले जात आहे की नाही हे तुम्ही आता तपासू शकता.
- यासाठी, सर्वात अगोदर तुम्हाला EPFO च्या अधिकृत वेबसाइटला भेट द्यावी लागणार आहे. http://unifiedportal-mem.epfindia.gov.in/memberinterface/
स्टेप 2
- तुम्ही या ईपीएफओच्या वेबसाइटवर जाताच, तुम्हाला प्रथम तुमचा UAN क्रमांक टाकावा लागणार आहे.
- त्यानंतर तुम्हाला तुमचा पासवर्ड आणि स्क्रीनवर दिलेला कॅप्चा कोड टाकून लॉगिन करावे लागणार आहे.
स्टेप 3
- लॉगिन केल्यानंतर, आता येथे तुम्हाला ‘दृश्य’ विभागात जाऊन चौथ्या क्रमांकावर दिलेल्या ‘पासबुक’ पर्यायावर क्लिक करावे लागणार आहे.
- तुम्ही त्यावर क्लिक करताच, तुम्हाला पासबुक विभागात लॉग इन करण्यासाठी तुमचा UAN नंबर, पासवर्ड आणि कॅप्चा कोड पुन्हा टाकावा लागणार आहे.
स्टेप 4
- यानंतर तुम्हाला कोणत्या कंपनीची तपासणी करायची आहे याचा सदस्य आयडी निवडावा लागणार आहे.
- मग तुम्ही इथे जाऊन पाहू शकता की तुमच्या कंपनीने कोणत्या महिन्यात पैसे जमा केले आणि कोणत्या नाही.
- येथे तुम्हाला मिळालेले व्याज आणि पीएफ खात्यातून काढलेल्या पैशांची सर्व माहिती मिळेल.
