Upcoming Subcompact SUV : स्कोडा इंडियाचे सध्या स्लाव्हिया मिड-साइज़ सेडान, कुशाक आणि कोडियाक एसयूव्ही अशी तीन प्रोडक्ट आहेत. मात्र, कंपनी आता सब-4 एम एसयूव्ही सेगमेंटमध्ये प्रवेश करण्याच्या विचारात आहे.
नवीन स्कोडा सबकॉम्पॅक्ट एसयूव्ही पुढील वर्षी लाँच होऊ शकते, त्यानंतर ती बाजारात लाँच केली जाईल, अशी चर्चा आहे. कंपनी असेंब्ली लाइन सेटअप प्रक्रियेत आहे जिथे एक नवीन सबकॉम्पॅक्ट एसयूव्ही मॉडेल तयार केले जाईल.
नवी स्कोडा सबकॉम्पॅक्ट एसयूव्ही लाँच झाल्यानंतर मारुती सुझुकी ब्रेझा, ह्युंदाई व्हेन्यू, किआ सोनेट, टाटा नेक्सॉन आणि महिंद्रा एक्सयूव्ही ३०० सारख्या बलाढ्य स्पर्धकांना टक्कर देईल. हे मॉडेल स्कोडाच्या इंडिया 2.5 प्रकल्पाचा भाग असेल.
हे MQB A0 IN प्लॅटफॉर्मवर तयार केले जाऊ शकते. MQB A0 IN आर्किटेक्चर हा फोक्सवॅगन ग्रुपच्या MAB A0 प्लॅटफॉर्मचा भाग आहे. हे विशेषतः उदयोन्मुख बाजारपेठांसाठी विकसित केले गेले आहे.
स्कोडाने स्लाविया आणि कुशाक कार बनवण्यासाठी या प्लॅटफॉर्मचा वापर केला आहे. हा प्लॅटफॉर्म वेगवेगळ्या व्हीलबेस आणि सस्पेंशन कॉन्फिगरेशनसह वापरला जाऊ शकतो. याव्यतिरिक्त, यात ड्रायव्हर असिस्टेंस फीचर्स, नेव्हिगेशन व एंटरटेनमेंटचे विविध लेव्हल दिले आहेत.
नवीन स्कोडा सबकॉम्पॅक्ट एसयूव्हीमध्ये कोणते इंजिन बसवले जाईल हे सांगणे कठीण आहे, परंतु कंपनी 1.0L TSI टर्बो पेट्रोल इंजिन देण्याची शक्यता आहे. हे इंजिन मॅन्युअल आणि ऑटोमॅटिक ट्रान्समिशन पर्यायांसह उपलब्ध असू शकते.
