अहिल्यानगर: नगर तालुक्यातील १०५ ग्रामपंचायतींच्या सरपंचपदाच्या आरक्षणाची सोडत बुधवारी (दि. २३) दुपारी काढण्यात येवून आरक्षण जाहीर करण्यात आले आहे. १०५ पैकी ५४ ग्रामपंचायतींचे सरपंचपद महिला राखीव झालेले असून या ठिकाणी महिलाराज येणार आहे तर ५१ ठिकाणी पुरुष अथवा महिला यापैकी कोणालाही सरपंच होता येणार आहे. या १०५ पैकी ५९ ग्रामपंचायतींच्या निवडणुका १५ जानेवारीला झालेल्या असून ४६ ग्रामपंचायतींच्या निवडणुका आगामी काळात होणार आहेत. सन २०२५ ते २०३० या कालावधी करीता हे आरक्षण काढण्यात आले आहे. आरक्षणामध्ये काही इच्छुक उमेदवारांचा हिरमोड झाला असून कही खुशी कही गम असे वातावरण बनले आहे.
जिल्हाधिकारी यांच्या आदेशानुसार प्रांताधिकारी, तहसीलदार यांच्या मार्गदर्शनाखाली आरक्षण सोडत जाहीर करण्यात आली. शासन आदेशानुसार अनुसूचित जाती प्रवर्गासाठी १५ ग्रामपंचायती आरक्षीत करण्यात आल्या, त्यात ८ महिला राखीव त्यानंतर अनुसूचित जमातीसाठी ५ ग्रामपंचायती त्यामध्ये ३ महिला राखीव, नागरिकांचा मागास प्रवर्गासाठी २८ त्यापैकी १४ महिला राखीव, सर्वसाधारण ५७ त्यापैकी २९ महिला राखीव अशा पद्धतीने आरक्षण सोडत जाहीर करण्यात आली.
प्रवर्गनिहाय सरपंचपद आरक्षण –
अनुसूचित जाती, महिला राखीव – भोयरे खुर्द, पारेवाडी (पारगाव), अकोळनेर/ जाध वाडी, पांगरमल, कामरगाव, भोरवाडी, सांडवे, मांडवे
अनुसूचित जाती व्यक्ती -टाकळी खादगाव, सारोळा कासार, आठवड, हिवरे बाजार ,वारूळवाडी, धनगरवाडी, चिचोंडी पाटील
अनुसूचित जमाती, महिला राखीव -खातगाव टाकळी, जेऊर, बुरुडगाव
अनुसूचित जमाती व्यक्ती – पिंपळगाव माळवी, देहरे
नागरिकांचा मागास प्रवर्ग, महिला राखीव – इमामपूर, शहापूर /केकती, शिराढोण, हातवळण, मठपिंप्री, अरणगाव, हमीदपूर, पारगाव मौला, पिंप्री घुमट, वाळुंज, खडकी, उदरमल, निंबळक, नागरदेवळे
नागरिकांचा मागास प्रवर्ग व्यक्ती -रांजणी, रुईछत्तीसी, गुंडेगाव, इसळक, मांजरसुंबा, बहिरवाडी, पिंपळगाव कौडा, मेहेकरी, देऊळगाव सिद्धी, नारायणडोहो, डोंगरगण, हिंगणगाव, ससेवाडी, नांदगाव व कोळपे आखाडा
सर्वसाधारण महिला राखीव – भोयरे पठार, मजले चिंचोली, शिंगवे /इस्लामपूर, विळद, पोखर्डी, बुऱ्हाणनगर, जखणगाव, सोनेवाडी (चास), चास, दशमी गव्हाण, सोनेवाडी (पि.ला.) खांडके, माथणी /बाळेवाडी, वाळकी, नवनागापूर, घोसपुरी, टाकळी काझी, मदडगाव, हिवरेझरे, साकत खुर्द, वडगाव तांदळी, गुणवडी, वाटेफळ, तांदळी वडगाव, आंबिलवाडी, खोसपुरी,कर्जुनेखारे, खंडाळा, कोल्हेवाडी
सर्वसाधारण व्यक्ती – आव्हाडवाडी, पारगाव भातोडी,,निमगाव घाणा, पिंपळगाव उजैणी, शेंडी, कापूरवाडी, निमगाव वाघा, पिंपळगाव वाघा, दरेवाडी, वाकोडी, निंबोडी, वडारवाडी, बाराबाभळी, भातोडी पारगाव, कौडगाव व जांब, पिंपळगाव लांडगा, बाबुर्डी घुमट, आगडगाव, रतडगाव, देवगाव, वडगाव गुप्ता, बाबुर्डी बेंद, उक्कडगाव, दहिगाव, राळेगण, नेप्ती, सारोळा बध्दी, बारदरी
