Cheapest Sedan Cars : या वर्षात तुम्ही देखील तुमच्या कुटुंबासाठी नवीन सेडान कार खरेदीचा विचार करत असाल किंवा खरेदी करणार असाल तर आम्ही तुम्हाला आज या लेखात देशात उपलब्ध असणाऱ्या काही सर्वात सवस्त सेडान कारबद्दल माहिती देणार आहोत.
ह्या सेडान कार्स तुम्हाला दमदार फीचर्ससह बेस्ट लूक आणि उत्तम मायलेज देतात यामुळे मागच्या काही महिन्यापासून बाजारात ह्या कार्सना मोठी मागणी देखील दिसत आहे. चला मग जाणून घेऊया तुमच्यासाठी सर्वात बेस्ट सेडान कार कोणती असू शकते जे तुम्हाला अगदी कमी किमतीमध्ये जास्त मायलेज देते आणि तुमच्या हजारो रुपयांची सहज बचत करू शकते.
ह्युंदाई कार त्यांच्या बेस्ट इंटेरिअर आणि फीचर्ससाठी ओळखल्या जातात. Hyundai Aura ही त्याच्या किमतीच्या सेगमेंटमधील बेस्ट कारांपैकी एक आहे, एकूण चार ट्रिममध्ये येत आहे, या कारची किंमत 6.30 लाख ते 8.87 लाख रुपये आहे. कंपनीने या कारमध्ये 1.2-लिटर पेट्रोल इंजिन इंजिन वापरले आहे, जे 83PS पॉवर आणि 114Nm टॉर्क जनरेट करते. हे इंजिन 5-स्पीड मॅन्युअल किंवा 5-स्पीड ऑटोमॅटिक ट्रान्समिशनशी जोडले गेले आहे. ही कार CNG व्हेरियंटमध्ये देखील उपलब्ध आहे, CNG मोडमध्ये हे इंजिन 69PS पॉवर आणि 95.2Nm उत्पादन करते, जे केवळ पाच-स्पीड मॅन्युअल ट्रान्समिशनसह जोडलेले आहे.
फीचर्सबद्दल बोलायचे तर, या सबकॉम्पॅक्ट सेडानमध्ये 8-इंचाची टचस्क्रीन इन्फोटेनमेंट सिस्टम, क्रूझ कंट्रोल, उंची-अ‍ॅडजस्टेबल ड्रायव्हर सीट, वायरलेस फोन चार्जर आणि ऑटो क्लायमेट कंट्रोल यांसारखी फीचर्स आहेत. दुसरीकडे, सुरक्षिततेच्या दृष्टीने यात 4 एअरबॅग्ज आहेत (टॉप मॉडेलला एकूण 6 एअरबॅग मिळतात), इलेक्ट्रॉनिक स्टैबिलिटी कंट्रोल (ESC), टायर प्रेशर मॉनिटर सिस्टम (TPMS), रिव्हर्सिंग कॅमेरा, ISOFIX चाइल्ड-सीट अँकरेज. आणि हिल-स्टार्ट असिस्ट सारखे फीचर्स उपलब्ध आहेत.
देशातील सर्वाधिक विकली जाणारी सब-कॉम्पॅक्ट सेडान मारुती सुझुकी डिझायर देखील तुमच्यासाठी एक चांगली निवड असू शकते. एकूण चार ट्रिममध्ये येणारी ही कार पेट्रोल इंजिनसह CNG व्हेरियंटमध्येही येते. त्याची किंमत 6.44 लाख ते 9.31 लाख रुपये आहे. ही कार एकूण 6 रंगांमध्ये उपलब्ध आहे, ज्यात ऑक्सफर्ड ब्लू, मॅग्मा ग्रे, आर्क्टिक व्हाइट, फिनिक्स रेड, प्रीमियम सिल्व्हर आणि शेरवुड ब्राउन यांचा समावेश आहे.
या कारमध्ये कंपनीने 1.2 लीटर क्षमतेचे Dualjet पेट्रोल इंजिन वापरले आहे, जे 90PS चा पॉवर आणि 113Nm टॉर्क जनरेट करते. तर CNG मोडमध्ये हे इंजिन 77PS पॉवर आणि 98.5Nm टॉर्क निर्माण करते. हे इंजिन 5-स्पीड मॅन्युअल आणि ऑटोमॅटिक गिअरबॉक्सशी जोडलेले आहे. कंपनीचा दावा आहे की त्याचे पेट्रोल व्हर्जन 22.41 किमी पर्यंत आणि सीएनजी व्हेरिएंट 31.12 किमी प्रति लिटर पर्यंत मायलेज देते.
फीचर्सबद्दल बोलायचे झाल्यास, मारुती सुझुकी डिझायरमध्ये अँड्रॉइड ऑटो आणि ऍपल कारप्लेसह सात इंची टचस्क्रीन इन्फोटेनमेंट सिस्टम, क्रूझ कंट्रोल आणि ऑटोमॅटिक एलईडी हेडलाइट्स, पुश-बटण इंजिन स्टार्ट/स्टॉप आणि मागील व्हेंटसह ऑटो एसी आहेत. सुरक्षिततेच्या दृष्टीने यात ड्युअल फ्रंट एअरबॅग्ज, ISOFIX चाइल्ड सीट अँकर आणि रियर पार्किंग सेन्सर्स, इलेक्ट्रॉनिक स्टॅबिलिटी कंट्रोल आणि हिल-होल्ड असिस्ट यांसारखी फीचर्स आहेत.
देशातील सर्वात सुरक्षित सेडान कारपैकी एक असणारी Tata Tigor या सेडान कारला ग्लोबल NCAP क्रॅश टेस्टिंगमध्ये 4 स्टार रेटिंग मिळाले आहे. उत्तम लूक आणि पावरफुल इंजिन क्षमता असणाऱ्या या सेडान कारची किंमत 6.20 लाख रुपयांपासून सुरू होते आणि टॉप मॉडेलसाठी 8.90 लाख रुपयांपर्यंत जाते.
एकूण चार ब्रॉड ट्रिममध्ये येणारी, ही कार 1.2-लीटर पेट्रोल इंजिनसह कंपनी-फिट सीएनजी व्हेरियंटमध्ये देखील उपलब्ध आहे. याचे इंजिन पेट्रोल मोडमध्ये 86PS पॉवर आणि 113Nm टॉर्क जनरेट करते, तर CNG मोडमध्ये हे इंजिन 73PS पॉवर आणि 95Nm टॉर्क जनरेट करते. या सेडान कारमध्ये 419 लीटर क्षमतेची बूट स्पेस आहे, ज्यामध्ये तुम्ही तुमच्या जीवनावश्यक वस्तू सहजपणे बसवू शकता. कंपनीचा दावा आहे की त्याचे पेट्रोल व्हेरिएंट 19.28 किमी मायलेज देते आणि CNG व्हेरिएंट 26.49 किमी मायलेज देते.
टिगोरच्या फीचर्सच्या यादीमध्ये ऑटोमॅटिक हेडलाइट्स, रेन-सेन्सिंग वायपर, बटण स्टार्ट/स्टॉप, कीलेस एंट्री आणि ऑटो एसी समाविष्ट आहेत. याशिवाय अँड्रॉइड ऑटो आणि ऍपल कार प्लेसह 7-इंच टचस्क्रीन इन्फोटेनमेंट सिस्टम, तसेच डिजिटल इन्स्ट्रुमेंट क्लस्टर देखील त्याच्या फीचर्सच्या सूचीचा भाग आहेत. सुरक्षिततेच्या दृष्टीने, यात ड्युअल फ्रंट एअरबॅग, EBD सह ABS आणि सर्व व्हेरियंटमध्ये स्टॅन्डर म्हणून मागील पार्किंग सेन्सर मिळतात.
हे पण वाचा :- Blaupunkt LED TV : स्मार्ट टीव्ही खरेदी करणार असाल तर ‘ही’ बातमी वाचाच ; आता फक्त 6,749 रुपयांमध्ये ..