force orchred 30 tractor
Force Orchard 30 Tractor:- शेतीमध्ये वापरली जात असलेल्या कृषी यंत्रांपैकी सगळ्यात जास्त ट्रॅक्टर या यंत्राचा वापर मोठ्या प्रमाणावर केला जातो व शेतीसाठी हे यंत्र खूप महत्त्वाचे मानले जाते. शेतीमधील अनेक छोटी-मोठी कामे ट्रॅक्टरच्या सहाय्याने सहजतेने करता येतात.
त्यामुळे भारतीय शेतकऱ्यांसाठी बाजारपेठेत देखील अनेक कंपन्यांचे आणि वेगवेगळ्या मॉडेलचे ट्रॅक्टर उपलब्ध आहेत. परंतु तुमच्याकडे कमी क्षेत्र असेल म्हणजे शेती कमी असेल व तुम्हाला पावरफुल ट्रॅक्टर घ्यायचा असेल तर तुम्ही फोर्स ऑर्चर्ड 30 या ट्रॅक्टरचा विचार करू शकतात. याच ट्रॅक्टरची माहिती आपण या लेखात घेणार आहोत.
फोर्स ऑर्चर्ड 30 ट्रॅक्टरची वैशिष्ट्ये
या ट्रॅक्टरमध्ये तीन सिलेंडर चार स्ट्रोक, इनलाईन, डायरेक्ट इंजेक्शन, वॉटर कुल्ड इंजिन देण्यात आलेले असून ते 30 एचपी पावर जनरेट करते तसेच कंपनीच्या माध्यमातून या ट्रॅक्टरला उत्तम दर्जाचे असे एअर फिल्टर दिले असून जे इंजिनचे धुळीपासून संरक्षण करते.
हे ट्रॅक्टर 29 लिटर क्षमतेच्या इंधन टाकीसह येते व या ट्रॅक्टरचे इंजिन 2200 आरपीएम जनरेट करते. ट्रॅक्टरचे हायड्रोलिक क्षमता ही 1000 किलो ठेवण्यात आली असून त्या ट्रॅक्टरचे वजन १७४० किलो इतकी आहे. या मिनी ट्रॅक्टरचा ग्राउंड क्लिअरन्स 277 एमएम ठेवण्यात आलेला आहे.
तसेच या ट्रॅक्टरमध्ये तुम्हाला मेकॅनिकल/ पावर स्टेरिंग पाहायला मिळते व जी शेतीमध्ये अतिशय सोप्या पद्धतीने ड्राइविंगसाठी फायद्याची आहे. कंपनीचा हा ट्रॅक्टर 8 फॉरवर्ड आणि चार रिव्हर्स गिअर सह गिअरबॉक्ससह येतो. फोर्स मिनी ट्रॅक्टर मध्ये ड्राय टाईप ड्युअल क्लच आहे
व तो कॉन्स्टंट मेश प्रकारच्या ट्रान्समिशन सोबत येतो. कंपनीचा हा कॉम्पॅक्ट ट्रॅक्टर फुल्ली ऑइल इमर्स मल्टिप्लेक्स सीलबंद डिस्क ब्रेकसह येतो व ज्यामुळे तो अगदी स्लीपरी म्हणजेच निसरड्या भागावर देखील टायर्स वर चांगली पकड ठेवतो. तसेच यामध्ये तुम्हाला 5.0- 15 फ्रंट टायर आणि 12.4-28 मागील टायर पाहायला मिळतात.
किती आहे फोर्स ऑर्चर्ड 30 या ट्रॅक्टरची किंमत?
फोर्स कंपनीने या मिनी ट्रॅक्टरची किंमत अगदी परवडण्याजोगी ठेवली असून भारतात या ट्रॅक्टरची एक्स शोरूम किंमत पाच लाख ते पाच लाख वीस हजार रुपये इतकी ठेवण्यात आलेली आहे. तसेच ऑन रोड किंमत आरटीओ नोंदणी आणि सर्व राज्यांमध्ये जे काही रोड टॅक्स लागू आहेत त्यामुळे बदलू शकते.