Upcoming SUV Cars In 2024
Upcoming SUV Cars In 2024 : गेल्या काही वर्षांत भारतीय ग्राहकांमध्ये मायक्रो एसयूव्ही सेगमेंटच्या मागणीत प्रचंड वाढ दिसून आली. अशातच जर तुम्हीही नजीकच्या भविष्यात नवीन मायक्रो एसयूव्ही खरेदी करण्याचा विचार करत असाल तर ही बातमी तुमच्यासाठी आहे. आज आम्ही तुम्हाला अशा तीन SUV बद्दल सांगणार आहोत ज्या लवकरच मार्केटमध्ये एंट्री करणार आहेत.
मायक्रो एसयूव्ही सेगमेंटमध्ये टाटा पंच, ह्युंदाई एक्सटर आणि निशान मॅग्नाइट सारख्या एसयूव्ही पूर्णपणे वरचढ आहेत. या विभागाच्या लोकप्रियतेचा अंदाज यावरून लावला जाऊ शकतो की टाटा पंचने मागील महिन्यात म्हणजेच जून 2024 मध्ये संपूर्ण देशात कार विक्रीत अव्वल स्थान मिळवले. या सेगमेंटची वाढती मागणी लक्षात घेता, भारतातील सर्वात मोठी कार विक्री करणारी कंपनी, मारुती सुझुकी ते ह्युंदाई इंडिया आणि टाटा मोटर्स, आगामी काळात 3 नवीन मायक्रो एसयूव्ही लॉन्च करण्याच्या तयारीत आहे. चला या आगामी 3 मायक्रो SUV बद्दल जाणून घेऊया…
Hyundai Inster
ह्युंदाईने नुकतेच बुसान इंटरनॅशनल मोबिलिटी शो 2024 मध्ये आगामी ऑल-इलेक्ट्रिक इंस्टरचा खुलासा केला. Hyundai Inster आपल्या ग्राहकांना एका चार्जवर 355 किलोमीटरची ड्रायव्हिंग रेंज देऊ शकते. ही आगामी मायक्रो इलेक्ट्रिक SUV भारतात 2026 पर्यंत लॉन्च केली जाऊ शकते.
Maruti Suzuki Y43
भारतातील सर्वात मोठी कार विक्री करणारी कंपनी मारुती सुझुकी 2026 ते 2027 या कालावधीत नवीन मायक्रो एसयूव्ही लॉन्च करण्याच्या तयारीत आहे, ज्याचे कथित नाव Y43 आहे. मारुतीची आगामी मायक्रो एसयूव्ही बाजारात टाटा पंच आणि ह्युंदाई एक्सेटरशी स्पर्धा करेल. अनेक मीडिया रिपोर्ट्स असा दावा करत आहेत की कारला पॉवरट्रेन म्हणून 1.2-लिटर Z-सीरीज 3-सिलेंडर पेट्रोल इंजिन दिले जाईल.
Tata Punch Facelift
टाटा मोटर्स येत्या काही महिन्यांत त्यांच्या सर्वाधिक विक्री होणाऱ्या टाटा पंचची अद्ययावत आवृत्ती लॉन्च करण्याच्या तयारीत आहे. टाटा पंच कंपनीने ऑक्टोबर 2021 मध्ये लॉन्च केली होती. काही महिन्यांपूर्वी कंपनीने Tata Punch चे इलेक्ट्रिक वेरिएंट देखील लॉन्च केले होते ज्याला बाजारात चांगला प्रतिसाद मिळत आहे.