Maruti Suzuki Dzire : पुढील महिन्यात लॉन्च होत आहे मारुतीची ‘ही’ जबरदस्त कार, कमी किमतीत मिळतील उत्तम वैशिष्ट्ये!

Maruti Suzuki Dzire : मारुती सुझुकी डिझायर भारतीय ग्राहकांमध्ये नेहमीच लोकप्रिय आहे. सध्या तिसरी पिढी डिझायर देशांतर्गत बाजारात विकली जात आहे. ताज्या अहवालानुसार, मारुती सुझुकी नवीन जनरेशन डिझायर लॉन्च करण्यासाठी सज्ज आहे. तुम्हीही नवीन पिढीच्या डिझायर कारची वाट पाहत असाल तर तुमच्यासाठी एक आनंदाची बातमी आहे.

नवीन जनरेशन डिझायर ऑगस्टमध्ये भारतीय बाजारपेठेत लॉन्च केली जाऊ शकते. मारुती सुझुकी डिझायरच्या 4थ्या जनरेशनच्या मॉडेलची बऱ्याच दिवसांपासून चाचणी सुरू आहे. नवीन पिढीतील डिझायर स्वस्त दरात आणि शक्तिशाली इंजिनसह येईल.

इंजिन

नवीन मॉडेलमध्ये 1.2-लिटर 3-सिलेंडर नैसर्गिकरित्या एस्पिरेटेड Z-सिरीज पेट्रोल इंजिन दिले जाऊ शकते. या इंजिनसोबत 5-स्पीड मॅन्युअल आणि AMT गिअरबॉक्सचा पर्याय मिळण्याची शक्यता आहे.

मायलेजचा विचार करता, त्याचे मॅन्युअल व्हेरिएंट 25 किमी प्रति लिटरपर्यंत मायलेज देईल. तर AMT प्रकार प्रति लिटर 26 किमी पर्यंत मायलेज देण्यास सक्षम असेल.

मारुती सुझुकी डिझायरची चौथी जनरेशन सुरूवातीला केवळ एका पेट्रोल इंजिन पर्यायासह लॉन्च केली जाईल. मात्र, काही महिन्यांनी नवीन डिझायरचे सीएनजी मॉडेलही लाँच होणार आहे.

मायलेज

सध्या, थर्ड जनरेशन डिझायरचे सीएनजी इंजिन 31.12 किमी प्रति किलो मायलेज देण्यास सक्षम आहे. तथापि, सीएनजी इंजिनसह चौथ्या पिढीतील डिझायर 35 किमी प्रति किलोपर्यंत मायलेज देऊ शकते.

वैशिष्ट्ये

2024 मारुती सुझुकी डिझायर सिंगल-पेन इलेक्ट्रिक सनरूफ, मोठी टचस्क्रीन इंफोटेनमेंट सिस्टम आणि 360-डिग्री कॅमेरा यांसारख्या वैशिष्ट्यांसह येऊ शकते. त्याची बहुतेक रचना आणि वैशिष्ट्ये 2024 Maruti Suzuki Swift सारखी असतील.

नवीन मारुती सुझुकी डिझायरला फ्लॅट रूफलाइन आणि नवीन मागील काच देण्यात येईल. याशिवाय, अपडेटेड ग्रिलसह क्लॅमशेल बोनेट दिले जाऊ शकते.

किंमत

अहवालानुसार, चौथ्या पिढीच्या मारुती सुझुकी डिझायरची सुरुवातीची किंमत सुमारे 7 लाख रुपये असेल. त्याच वेळी, टॉप वेरिएंटची किंमत सुमारे 10.50 लाख रुपये असू शकते.