Mahindra India
Mahindra India : महिंद्राची बोलेरो घेण्याचा विचार असेल तर ही बातमी तुमच्यासाठीच आहे. कपंनीने आपल्या काही गाड्यांच्या किंमतीत वाढ केली आहे. नुकत्याच महिंद्रा इंडियाने या महिन्यात बोलेरो निओच्या किमती अपडेट केल्या आहेत. कपंनीची 3-लाइन एसयूव्ही आता 14,000 रुपयांनी महाग झाली आहे.
या दरवाढीसह, बोलेरो निओ 9,94,600 रुपयांच्या सुरुवातीच्या एक्स-शोरूम किमतीत उपलब्ध आहे. कंपनीने याला चार प्रकारात सादर केले आहे. कोणते आहेत ते प्रकार पाहूया…
महिंद्रा बोलेरो निओ चार प्रकारात N4, N8, N10 आणि N10 (O) मध्ये ऑफर केली जाते, पहिल्या दोन प्रकारांच्या किमती अनुक्रमे 5,000 रुपये आणि 14,000 रुपयांनी वाढल्या आहेत. तर बाकीच्या दोन त्याच किंमतीत विकल्या जाणार आहे. कपंनीच्या या कारमध्ये काय खास फीचर्स आहेत पाहूया…
इंजिन पॉवरट्रेन
या कारच्या इंजिन पॉवरट्रेनबद्दल बोलायचे झाल्यास, बोलेरो निओ 1.5-लिटर डिझेल इंजिनसह सुसज्ज आहे, जे 5-स्पीड मॅन्युअल गिअरबॉक्ससह येते. ही ऑइल बर्नर मोटर 100bhp पॉवर आणि 260Nm पीक टॉर्क जनरेट करण्यासाठी ट्यून केलेली आहे, तर सर्व प्रकार मानक म्हणून RWD म्हणून कॉन्फिगर केले आहेत. N10 (0) उत्तम ऑफ-रोडिंग कौशल्यांसाठी मल्टी-टेरेन तंत्रज्ञानासह येते.
तिच्या सुरक्षेबद्दल बोलतांना, ग्लोबल NCAP ने नुकतेच महिंद्र बोलेरो निओच्या क्रॅश चाचणीचे निकाल जाहीर केले आहेत. या एसयूव्हीला चाचणीत केवळ 1 स्टार मिळू शकला आहे.