Maruti Baleno
Maruti Baleno : ऑक्टोबर 2015 मध्ये भारतीय बाजारात मारुती सुझुकीकडून आपली नवीन Baleno कार लाँच करण्यात आली होती. लाँच केल्यापासून या कारने मार्केटमधील इतर कार्सना चांगली टक्कर दिली आहे. सर्वात जास्त विक्री या कारने केली आहे.
नुकतीच कंपनीने या कारला अपडेट केले आहे. आता कंपनीने यामध्ये हाय-टेक फीचर्स दिले आहेत. तसेच त्यात 30Km मायलेज देण्यात आले आहे. त्यामुळे ही कार पूर्वीपेक्षा जास्त प्रीमियम बनली आहे. किमतीचा विचार केला तर कारची किंमत 6.61 लाख ते 9.88 लाख रुपये आहे.
मारुती सुझुकीने बलेनोला काही नवीन फीचर्ससह अपडेट केले असून तुम्हाला आता कारमध्ये पेट्रोल इंजिनसह कंपनीने फिट केलेले सीएनजी किट पाहायला मिळेल. मारुती बलेनोच्या बेस व्हेरियंटमध्येही कंपनीने ईएसपी आणि हिल होल्ड असिस्ट सारखे भन्नाट फीचर्स दिली गेली आहेत. नवीन फीचर्स जोडल्यानंतर त्याच्या एंट्री लेव्हल वेरिएंटची किंमत एकूण 12,000 रुपयांनी वाढवली आहे. या कारची किंमत 6.61 लाख ते 9.88 लाख रुपये इतकी आहे.
विक्री
मारुती सुझुकीने मे महिन्यात बलेनोच्या एकूण 18,733 युनिट्सची विक्री करण्यात आली आहे, जी मागील वर्षी याच महिन्यात विकल्या गेलेल्या एकूण 13,970 युनिट्सपेक्षा 34 टक्क्यांनी जास्त आहे. ही देशातील सर्वात जास्त विक्री होणारी कार बनली आहे. तसेच दुसऱ्या क्रमांकावर स्विफ्ट असून या कारच्या एकूण १७,३४९ युनिट्सची विक्री झाली आहे. तर वॅगन आर हॅचबॅक १६,२५८ युनिट्ससह तिसऱ्या क्रमांकावर आहे.
मे महिन्यातील टॉप-5 जास्त विकल्या जाणाऱ्या कार:
| क्रमांक | मॉडल | मे-23 | मे-22 |
| 1 | Maruti Baleno | 18,733 | 13,970 |
| 2 | Maruti Swift | 17,349 | 14,133 |
| 3 | Maruti WagonR | 16,258 | 16,814 |
| 4 | Hyundai Creta | 14,449 | 10,973 |
| 5 | TATA Nexon | 14,423 | 14,614 |
जाणून घ्या खासियत
कंपनीकडून देशांतर्गत बाजारात सादर करण्यात आलेली ही पहिली आणि एकमेव प्रीमियम हॅचबॅक कार आहे. कंपनीकडून ती प्रथम ऑक्टोबर 2015 मध्ये भारतीय बाजारात लॉन्च करण्यात अली होती. ही कार जागतिक बाजारपेठेतही पाहायला मिळेल तसेच इतर बाजारपेठांमध्येही तिने चांगली कामगिरी केली आहे. नुकतेच, कंपनीकडून या कारला नवीन हाय-टेक फीचर्ससह अपडेट करून बाजारात लॉन्च केली आहे, त्यामुळे ही कार पूर्वीपेक्षा जास्त प्रीमियम बनली आहे.
कंपनीची ही कार एकूण 9 प्रकारांमध्ये येऊन ही 1.2-लिटर नैसर्गिकरित्या एस्पिरेटेड पेट्रोल इंजिनद्वारे समर्थित असेल, जे 12V सौम्य-हायब्रिड तंत्रज्ञानासह येत आहे. हे इंजिन 89Bhp पॉवर आणि 113Nm टॉर्क जनरेट करेल. त्याचे पेट्रोल व्हेरियंट 22 किमी/ली पर्यंत आणि CNG प्रकार 30 किमी/किलो पर्यंत मायलेज देईल.
मिळणार जबरदस्त फीचर्स
मारुती बलेनोला मानक म्हणून ESP आणि हिल होल्ड असिस्ट मिळत असून, याचा अर्थ असा कि ती सर्व प्रकारांमध्ये उपलब्ध असणार आहे. डोंगराळ भागात गाडी चालवत असताना हे फिचर खूप फायदेशीर आहे. त्यामुळे गाडी घसरण्याचा धोका कमी होतो, स्लीपर स्थितीत तुम्हाला संतुलित पद्धतीने गाडी चालवता येते.
तसेच हिल होल्ड फंक्शन तुम्हाला चढत असताना कार खाली वळवण्यापासून प्रतिबंधित करते. ज्यावेळी तुम्ही चढताना ब्रेक पेडलवरून पाय काढता, त्यावेळी हे कार्य काही काळ ब्रेक सक्रिय ठेवते आणि त्याचा सगळ्यात मोठा फायदा म्हणजे चढाच्या रस्त्यावरही कारची पकड कायम राहून ती खाली घसरण्याची भीती कमी असते.
तसेच या कारमध्ये आणखी काही फीचर्स जोडली आहेत, यात 6 एअरबॅग्ज, सीट बेल्ट रिमाइंडर, स्पीड अलर्ट, इलेक्ट्रॉनिक ब्रेकफोर्स डिस्ट्रिब्युशन (EBD) सह अँटी लॉक ब्रेकिंग सिस्टम (ABS), रिव्हर्स पार्किंग सेन्सर, सीट-बेल्ट टेंशनर आणि ब्रेक असिस्ट इत्यादींचा समावेश आहे. यात हॅलोजन प्रोजेक्टर हेडलॅम्प, एलईडी टेललॅम्प, ऑटो क्लायमेट कंट्रोल, रिअर डिफॉगर, ऑल पॉवर विंडो, कीलेस एंट्री, सेंट्रल लॉकिंग, सेमी-डिजिटल इन्स्ट्रुमेंट पॅनेल इत्यादी फीचर्स तुम्हाला पाहायला मिळतील.