Tata Punch EV
Tata Punch EV : बहुप्रतीक्षित Tata Punch EV नुकतीच भारतीय बाजारपेठेत लॉन्च करण्यात आली आहे. ही देशातील सर्वात छोटी इलेक्ट्रिक एसयूव्ही आहे. जेव्हा पासून या गाडीची चर्चा सुरु होती तेव्हा पासून याला खूप पसंती दिली जात होती. बऱ्याच दिवसांपासून लोक या गाडीची आतुरतेने वाट पाहत होते, अखेर आज ही गाडी बाजरात लॉन्च झाली असून, लोकांची प्रतीक्षा संपली आहे. चला जाणून घेऊया, या गाडीची किंमत आणि वैशिष्ट्ये…
टाटा पंच ही एक मायक्रो एसयूव्ही आहे. ज्याला भारतीय बाजारपेठेत खूप पसंती दिली जात आहे. त्याचे इलेक्ट्रिक व्हर्जनही लोकांमध्ये लोकप्रिय होण्याची अपेक्षा आहे. टाटाच्या या इलेक्ट्रिक एसयूव्हीमध्ये अनेक नवीन फीचर्स आहेत, जे तुम्हाला आकर्षित करण्यासाठी पुरेसे आहेत.
Tata Punch EV ची खास वैशिष्ट्ये
पंच EV ही भारतातील सर्वात छोटी इलेक्ट्रिक SUV असून, अगदी नवीन Acti.ev प्लॅटफॉर्मसह लॉन्च होणारी ही पहिली कार आहे. Tata Punch EV देशात SUV Tigor EV आणि Nexon EV यांना टक्कर देईल.
Tata Punch EV पूर्ण चार्ज केल्यावर 300 ते 400 किलोमीटर धावेल असा टाटाचा दावा आहे. ही एसयूव्ही स्टँडर्ड आणि लाँग रेंज अशा दोन रेंजमध्ये सादर करण्यात आली आहे. स्टँडर्डचा बॅटरी पॅक 25kWh च्या मानक श्रेणीमध्ये आहे. त्याच वेळी, लाँग रेंजचा बॅटरी पॅक 35kWh श्रेणीमध्ये येण्याची अपेक्षा आहे. स्टँडर्ड पंच EV 5 ट्रिम्समध्ये उपलब्ध आहे, स्मार्ट, स्मार्ट+, अ‍ॅडव्हेंचर, एम्पॉवर्ड आणि एम्पॉवर्ड प्लस. त्याच वेळी, लाँग रेंजमध्ये तीन ट्रिम्स उपलब्ध आहेत, अ‍ॅडव्हेंचर, एम्पॉवर्ड आणि एम्पॉवर प्लस.
Tata Punch EV डिझाइन
पंच EV च्या डिझाईनबद्दल बोलायचे झाल्यास, त्याच्या पुढच्या भागात पूर्ण-रुंदीचा LED लाइट बार आणि स्प्लिट हेडलॅम्प सेटअप आहे. मुख्य हेडलॅम्प Nexon EV सारखाच आहे. चार्जिंग सॉकेट फक्त या SUV च्या पुढच्या भागात दिलेले आहे. त्याच वेळी, बंपरची रचना पूर्णपणे नवीन आहे. Y-आकाराचा ब्रेक लाईट सेटअप मागील बाजूस उपलब्ध आहे. याशिवाय, रूफ स्पॉयलर आणि ड्युअल-टोन बंपर डिझाइन आहे. या कारमध्ये ग्राहकांना 16 इंची अलॉय व्हील्स मिळणार आहेत. या एसयूव्हीमध्ये बोनेटच्या खाली एक ट्रंक देखील देण्यात आला आहे.
किंमत
कंपनीने टाटा पंच ईव्हीचे बुकिंग सुरू केले आहे. ग्राहक 21,000 रुपयांच्या टोकन मनीसह ही SUV बुक करू शकतात. याची किंमत कारच्या मॉडेलनुसार असेल, स्टँडर्डमध्ये, स्मार्ट- 10.99 लाख, स्मार्ट+ – 11.49 लाख, अ‍ॅडव्हेंचर- 11.99 लाख, एम्पॉवर्ड – 12.79 लाख, एम्पॉवर्ड प्लस -13, 29 लाख असेल.
लाँग रेंजमध्ये, अ‍ॅडव्हेंचर – 12.99 लाख, एम्पॉवर्ड- 13.99 लाख, एम्पॉवर प्लस – 14.49 लाख असेल.