Toyota India
Toyota India : टोयोटा लवकरच आपली 8 सीटर कार लॉन्च करण्याच्या तयारीत आहे. कंपनीची ही कार इतर कारपेक्षा खास असणार आहे. ही कार लवकरच मार्केटमध्ये लॉन्च होणार आहे. कपंनीची ही कार GX प्रकारात येईल….
नुकतीच टोयोटा इंडियाने ग्राहक-लोकप्रिय MPV इनोव्हा हायक्रॉसची व्हेरियंट यादी अपडेट केली आहे. टोयोटा इनोव्हा हायक्रॉसला लवकरच GX (O) प्रकार मिळेल. जपानी ऑटोमेकरने या नवीन ट्रिमची किंमत जाहीर केलेली नाही. पण ही कार एप्रिलच्या पहिल्या आठवड्यात लॉन्च होण्याची अपेक्षा आहे. हा नवीन प्रकार 7 आणि 8 सीटर लेआउटमध्ये सादर केला जाईल.
ग्राहकांना आता टोयोटा इनोव्हा हायक्रॉस नवीन GX (O) प्रकारात उपलब्ध होईल, वैशिष्ट्यांबद्दल बोलायचे झाल्यास, यात मोठे 10.1-इंच इंफोटेनमेंट, वायरलेस ऍपल कारप्ले, ऑटोमॅटिक क्लायमेट कंट्रोल, फ्रंट पार्किंग सेन्सर्स, 360-डिग्री सराउंड कॅमेरा, मागील सनशेड, रिअर डीफॉगर, ड्युअल-टोन इंटीरियरसह सॉफ्ट-टच डॅशबोर्ड आणि एलईडी मिळेल. जीएक्स व्हेरियंटवर फॉग लॅम्प देखील उपलब्ध आहेत. याशिवाय, हे 7-सीटर आणि 8-सीटर कॉन्फिगरेशनमध्ये येऊ शकते.
त्याच्या इंजिन पॉवरट्रेनबद्दल बोलायचे झाल्यास, इनोव्हा हिक्रॉस दोन पॉवरट्रेन पर्यायांनी सुसज्ज आहे. यात 2.0-लिटर NA पेट्रोल मोटर आणि 2.0-लिटर हायब्रिड इंजिन मिळते. आगामी प्रकारात, जुना पॉवरट्रेन पर्याय CVT गिअरबॉक्ससह उपलब्ध असेल. हे इंजिन 172bhp पॉवर आणि 205Nm पीक टॉर्क जनरेट करण्यासाठी ट्यून केले गेले आहे.