LPG cylinder : जुलै महिन्याच्या पहिल्याच दिवशी सर्वसामान्यांना दिलासा बातमी असून एलपीजी सिलिंडरचे दर १९८ रुपयांनी कमी झाले आहेत. त्यामुळे महागाईचा दर कमी होण्यास मदत होईल.
इंडियन ऑइलने (Indian Oil) १ जुलै (1 July) रोजी जाहीर केलेल्या किमतींनुसार, राजधानी दिल्लीत १९ किलोचा व्यावसायिक सिलेंडर (LPG कमर्शियल सिलेंडर किंमत) १९८ रुपयांनी स्वस्त झाला आहे.
हे आजचे नवीनतम दर आहेत
दिल्लीत ३० जूनपर्यंत १९ किलोचा व्यावसायिक सिलिंडर 2219 रुपयांना मिळत होता. ज्याची किंमत 1 जुलैपासून २०२१ रुपयांपर्यंत खाली आली आहे. त्याचप्रमाणे कोलकातामध्ये 2322 रुपयांच्या तुलनेत आता हा सिलिंडर 2140 रुपयांना मिळणार आहे.
मुंबईत (Mumbai) 2171.50 रुपयांवरून 1981 रुपयांवर आणि चेन्नईमध्ये 2373 रुपयांवरून 2186 रुपयांपर्यंत किंमत कमी झाली आहे. दुसरीकडे घरगुती गॅस सिलिंडरमध्ये तेल कंपन्यांकडून कोणताही दिलासा देण्यात आलेला नाही. दिल्लीत 14.2 किलोचा गॅस सिलिंडर 1003 रुपयांना मिळत आहे.
सिलिंडर ३०० रुपयांपेक्षा स्वस्त
यापूर्वी १ जून रोजी व्यावसायिक एलपीजी सिलिंडर १३५ रुपयांनी स्वस्त झाले होते. अशाप्रकारे गेल्या महिनाभरात सिलिंडरच्या दरात ३०० रुपयांहून अधिक कपात झाली आहे. मे महिन्यात सिलिंडरचे दर 2354 रुपयांपर्यंत वाढले होते. घरगुती गॅस सिलिंडरच्या किमतीत अखेरचा बदल १९ मे रोजी करण्यात आला होता.
२०० रुपये प्रति सिलेंडर सबसिडी
जनतेला महागाईपासून दिलासा देण्यासाठी सरकारने उज्ज्वला योजनेंतर्गत (Ujjwala scheme) प्रति सिलिंडर २०० रुपये सबसिडी (Subsidy) जाहीर केली होती. ही सबसिडी वर्षाला फक्त १२ सिलिंडरपर्यंत उपलब्ध असेल. सरकारच्या या निर्णयाचा ९ कोटींहून अधिक ग्राहकांना फायदा झाला आहे.