महाराष्ट्रातील ‘या’ बाजारात उन्हाळी कांद्याला मिळाला सर्वाधिक दर ! बाजारभावाची ५ हजाराकडे वाटचाल

Onion Rate : येत्या काही दिवसात महाराष्ट्रात विधानसभेच्या निवडणुका होणार आहेत. लोकसभा निवडणुकीच्या आधी कांद्याला अगदीच कवडीमोल दर मिळत होता. सरकारच्या काही धोरणांमुळे कांद्याला बाजारात अपेक्षित भाव मिळत नव्हता. त्यामुळे शेतकऱ्यांमध्ये नाराजी होती आणि याचा फटका सत्ताधाऱ्यांना लोकसभा निवडणुकीत बसला. आता दिवाळीनंतर महाराष्ट्रात विधानसभेच्या निवडणुका होणार आहेत.

दरम्यान या विधानसभेच्या निवडणुकीत देखील कांद्याचा मुद्दा पुन्हा एकदा वरचढ ठरण्याची शक्यता आहे. यामुळे कांदा बाजाराकडे साऱ्यांचेच लक्ष आहे. राजकीय नेते मंडळी देखील शेतकऱ्यांची नाराजी आगामी विधानसभा निवडणुकीत वरचढ ठरू नये यासाठी कांदा बाजाराकडे लक्ष ठेवून आहे.

दुसरीकडे कांदा उत्पादकांनी शासनाने कांदा बाजार भाव पाडण्यासाठी हस्तक्षेप करू नये असे आवाहन केले आहे. पण, गेल्या काही दिवसांपासून कांदा बाजार भावात सुधारणा होत आहे. लोकसभा निवडणुकीत बाजारभावात चांगली वाढ झाली असून यामुळे शेतकऱ्यांना दिलासा मिळत आहे. कांद्याचे बाजार भाव काही ठिकाणी 4500 रुपये प्रति क्विंटल पर्यंत पोहोचले आहे.

आज चंद्रपूर गंजवड कृषी उत्पन्न बाजार समितीमध्ये कांद्याला कमाल 4500 रुपये प्रति क्विंटल असा भाव मिळाला आहे. यामुळे कांद्याचे कमाल बाजारभाव पाच हजार पार जाणार का? हे पाहणे उत्सुकतेचे ठरणार आहे. अशा परिस्थितीत आज आपण राज्यातील बाजारांमध्ये उन्हाळी कांद्याला काय भाव मिळाला आहे याविषयी थोडक्यात माहिती पाहणार आहोत.

राज्यातील प्रमुख बाजारांमधील उन्हाळी कांद्याचे दर खालील प्रमाणे

येवला कृषी उत्पन्न बाजार समिती : या बाजारात आज उन्हाळी कांद्याला किमान 550, कमाल 3351 आणि सरासरी 3100 असा भाव मिळाला आहे.

लासलगाव कृषी उत्पन्न बाजार समिती : आशिया खंडातील सर्वात मोठ्या बाजारात म्हणजेच लासलगाव एपीएमसी मध्ये आज उन्हाळी कांद्याला किमान बाराशे, कमाल 3435 आणि सरासरी 3300 असा भाव मिळाला आहे.

नाशिक कृषी उत्पन्न बाजार समिती : या एपीएमसी मध्ये आज उन्हाळी कांद्याला सरासरी 3100, कमाल 3451 आणि किमान 2100 असा भाव मिळाला आहे.

लासलगाव विंचूर कृषी उत्पन्न बाजार समिती : या मार्केटमध्ये आज उन्हाळी कांद्याला किमान 2000, कमाल 3360 आणि सरासरी 3200 असा भाव मिळाला आहे.

राहुरी वांबोरी कृषी उत्पन्न बाजार समिती : या मार्केटमध्ये आज उन्हाळी कांद्याला किमान 500, कमाल 3500 आणि सरासरी 3000 असा भाव मिळाला आहे.

येवला अंदरसुल कृषी उत्पन्न बाजार समिती : या बाजारात आज उन्हाळी कांद्याला किमान 600, कमाल 3377 आणि सरासरी 3275 असा भाव मिळाला आहे.

सिन्नर नायगाव कृषी उत्पन्न बाजार समिती : या मार्केटमध्ये आज उन्हाळी कांद्याला किमान 1500, कमाल 3321 आणि सरासरी 3150 असा दर मिळाला आहे.

पिंपळगाव बसवंत कृषी उत्पन्न बाजार समिती : या मार्केटमध्ये आज उन्हाळी कांद्याला किमान 1300, कमाल 4126 आणि सरासरी 3280 असा भाव मिळाला आहे.

मनमाड कृषी उत्पन्न बाजार समिती : या मार्केटमध्ये अजूनही कांद्याला किमान 1600, कमाल 3200 आणि सरासरी 2900 भाव मिळाला आहे.

पिंपळगाव बसवंत सायखेडा कृषी उत्पन्न बाजार समिती : पिंपळगाव बसवंत अंतर्गत येणाऱ्या सायखेडा उपबाजारात आज उन्हाळी कांद्याला किमान 1800, कमाल 3500 आणि सरासरी 3240 रुपये प्रति क्विंटल असा दर मिळाला आहे.