Petrol Price Today : रशिया (Russia) व युक्रेनमधील (Ukraine) युद्ध अजूनही सुरू आहे. त्याचा जागतिक परिणामही दिसून येतो. अशा परिस्थितीत आता पेट्रोल आणि डिझेलच्या दरांची चिंता वाढली आहे. तर दुसरीकडे कच्च्या तेलाच्या (crude oil) किमतीही या दिवसात गगनाला भिडल्या आहेत. अशा स्थितीत पेट्रोल-डिझेलच्या दरवाढीमुळे सर्वसामान्यांचे आर्थिक नुकसान (Financial loss) होत आहे.
सरकारी तेल कंपन्यांनी (government oil companies) सोमवार २५ एप्रिलसाठी पेट्रोल आणि डिझेलचे दर जाहीर केले आहेत. तेल कंपन्यांनी पेट्रोल आणि डिझेलच्या दरात सलग १९ व्या दिवशी वाढ न केल्याने सर्वसामान्यांना दिलासा मिळाला आहे.
यापूर्वी ६ एप्रिल रोजी तेल कंपन्यांनी पेट्रोल आणि डिझेलच्या दरात प्रतिलिटर ८० पैशांनी वाढ केली होती. वास्तविक, २२ मार्चपासून सुरू झालेली पेट्रोल आणि डिझेलची किंमत १४ वेळा वाढल्यानंतर थांबली आहे. गेल्या १४ दरवाढीमध्ये पेट्रोल आणि डिझेल 10 रुपयांनी महागले आहे.
२२ मार्चपासून देशात पेट्रोल आणि डिझेलच्या किंमती वाढण्याची फेरी सुरूच आहे. विक्रमी १३७ दिवस स्थिर राहिल्यानंतर २२ मार्च रोजी पेट्रोल आणि डिझेलच्या दरात वाढ करण्यात आली होती. याआधी पेट्रोल आणि डिझेलचे दर बराच काळ वाढले नव्हते. गेल्या वर्षी 4 नोव्हेंबरपासून 21 मार्चपर्यंत दोन्ही इंधनांच्या दरात कोणतीही वाढ झालेली नाही.
दिल्लीत आज पेट्रोल 105 रुपये 41 रुपये प्रति लीटर झाले आहे तर डिझेल 96 रुपये 67 पैसे प्रति लीटर विकले जात आहे. मुंबईत पेट्रोल आणि डिझेलचे दर प्रतिलिटर 120.51 रुपये आणि 104.77 रुपये आहेत. कोलकात्यात पेट्रोलची किंमत 115.12 रुपये आहे, तर डिझेलची किंमत 99.83 रुपये प्रति लीटर आहे. त्याच वेळी, चेन्नईमध्ये पेट्रोल 110.85 रुपये प्रति लिटर आणि डिझेल 100.94 रुपये प्रति लिटर आहे.
देशातील प्रमुख शहरांमध्ये पेट्रोल आणि डिझेलचे दर
शहरातील पेट्रोल रु/लिटर डिझेल रु/लिटर
दिल्ली 105.41 96.67
मुंबई 120.51 104.77
कोलकाता 115.12 99.83
चेन्नई 110.85 100.94
बेंगळुरू 111.09 94.79
अहमदाबाद 105.08 99.43
चंदीगड 104.74 90.83
त्यामुळे देशात पेट्रोल आणि डिझेल महागले आहे
पेट्रोल आणि डिझेलच्या किमतीत एक्साईज ड्युटी, डीलर कमिशन आणि इतर गोष्टी जोडल्यानंतर त्याची किंमत जवळपास दुप्पट होते. परकीय चलन दरांसह आंतरराष्ट्रीय बाजारात क्रूडच्या किमती काय आहेत यावर आधारित पेट्रोल आणि डिझेलच्या किमती दररोज बदलतात.
तुमच्या शहरातील पेट्रोल आणि डिझेलचे दर जाणून घ्या
पेट्रोल आणि डिझेलचे दर रोज बदलतात आणि सकाळी 6 वाजता अपडेट होतात. पेट्रोल आणि डिझेलचे दैनंदिन दर तुम्हाला एसएमएसद्वारेही कळू शकतात. इंडियन ऑइलचे ग्राहक RSP सोबत सिटी कोड 9224992249 वर पाठवून माहिती मिळवू शकतात आणि BPCL चे ग्राहक RSP 9223112222 वर लिहून माहिती मिळवू शकतात. त्याच वेळी, HPCL ग्राहक 9222201122 या क्रमांकावर HP Price पाठवून किंमत जाणून घेऊ शकतात.