मनपाने शहरातील कोरोना प्रतिबंधात्मक निर्बंध 01 जूनपर्यंत वाढविले

अहमदनगर Live24 टीम, 14 मे 2021 :- नगर शहरात कोरोनाचा प्रादुर्भाव कायम असून शहरात कोरोना प्रतिबंधात्मक निर्बंध महापालिकेने १ जूनपर्यंत वाढविले आहेत.

मागील १५ दिवस बंद असलेली किराणा दुकाने, भाजीपाला विक्री मर्यादित वेळेत खुली राहणार आहे. आयुक्त शंकर गोरे यांनी यासंदर्भात आदेश लागू केला आहे.

एक जूनच्या सकाळी ७ वाजेपर्यंत हा आदेश लागू राहील, असे स्पष्ट करण्यात आले आहे. या आदेशानुसार महापालिका क्षेत्रातील सर्व खाजगी कार्यालये बंद राहतील.

या गोष्टी सुरु राहतील (वेळ) :-

• वैद्यकीय सेवा आणि औषध दुकाने अत्यावश्यक सेवेसाठी
• पेट्रोल पंप नियमित वेळेनुसार सुरू
• घरपोहोच गॅस वितरण सेवा
• सर्व बँका
• दूध व दुग्धजन्य पदार्थ विक्री
• पशुखाद्य विक्री : सकाळी ७:०० ते ११:०० सुरु राहील.
• किराणा दुकाने : सकाळी ७:०० ते ११:०० वाजेपर्यंत
• भाजीपाला व फळे बाजार मालाची खरेदी-विक्री : सकाळी ७ ते ११ वाजेपर्यंत सुरु राहील.
• अंडी, मटन, चिकन व मत्स्य खरेदी-विक्री : सकाळी ७ ते ११ वाजेपर्यंत सुरु राहील.
• ‌ कृषी विषयक दुकाने (विक्री दुकाने), कृषी सेवा केंद्रे : सकाळी ९.०० ते दुपारी ४.०० वाजेपर्यंत आणि पुरवठा वाहतूक सकाळी ११.०० ते दुपारी १.०० पर्यंत सुरु राहील.

तर दंडात्मक कारवाई :- नियमांचे उल्लघंन केल्यास प्रथम पाच हजार रुपये दंड आकारला जाईल. दुस-या वेळेस पुन्हा पाच हजार रुपये दंड आकारुन दुकान सील केले जाईल.

• ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
• अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|