अहमदनगर ब्रेकींग: तरूणीवर अत्याचार, मोबाईलमध्ये चित्रीकरण करून सोशल मीडियावर…

अहमदनगर Live24 टीम, 22 मार्च 2022 Ahmednagarlive24 :- तरूणाने तरूणीला लग्नाचे आमिष दाखवुन तिच्यावर अत्याचार केला व त्याचे मोबाईलमध्ये चित्रिकरण केले.

चित्रीकरण सोशल मीडियावर व्हायरल करण्याची धमकी देत वेळोवेळी पैशाची मागणी केली. या प्रकरणी तोफखाना पोलीस ठाण्यात अत्याचार करणारा तरूण गणेश शिंदे (रा. शिंदे मळा, बालिकाश्रमरोड, अहमदनगर

) विरोधात गुन्हा दाखल झाला आहे.

पीडित तरूणीने फिर्याद दिली आहे. अहमदनगर शहरातील एका उपनगरात राहणार्‍या तरूणीची 13 वर्षांपूर्वी गणेश सोबत ओळख झाली. त्यांच्यात प्रेमसंबंध निर्माण झाले. गेल्या 10 महिन्यांपूर्वी गणेशने फिर्यादी तरूणीला त्याच्या घरी बोलवून लग्नाची मागणी घातली.

त्या मागणीला तरूणीने होकार दिला. तेव्हा गणेशने माझ्या इच्छेविरूध्द संबंध केले व त्याचे मोबाईलमध्ये चित्रकरण केले असल्याचे तरूणीने फिर्यादीत म्हटले आहे.

संबंधाचे केलेले चित्रीकरण सोशल मीडियावर व्हायरल करण्याची धमकी देत गणेशने तरूणीकडे पैशाची मागणी केली. तरूणीने वेळोवेळी गणेशच्या वेगवेगळ्या मित्रांच्या फोन पे वर पैसे पाठविले.

गणेशच्या दोन्ही दाजींनी तरूणीसोबत गणेशचे लग्न लावून देण्याचे आश्‍वासन दिले होते. परंतु, त्यांनी गणेश सोबत लग्न लावुन दिले नाही.

गणेशने 20 फेब्रुवारी 2022 रोजी घरी बोलवून त्याचे दाजी घरी असताना माझ्यासोबत संबंध ठेवले असल्याचे पीडित तरूणीने फिर्यादीत म्हटले आहे. अधिक तपास तोफखाना पोलीस करीत आहेत.