cat vicky
vicky kaushal : बॉलीवूड अभिनेता विकी कौशलने सोमवारी मुंबईतील सांताक्रूझ पोलीस ठाण्यात तक्रार दाखल केली की एक अज्ञात सोशल मीडिया वापरकर्ता त्याची पत्नी आणि अभिनेत्री कतरिना कैफला स्टॉक करत आहे. या तक्रारीनंतर मुंबई पोलिसांनी आरोपी चोरट्याला अटक केली आहे.
कोण आहे आरोपी ?
मुंबई पोलिसांनी अटक केलेल्या व्यक्तीचे नाव मनविंदर सिंग असे असून तो लखनऊचा रहिवासी आहे. मुंबईतील सांताक्रूझ येथील एका हॉटेलमध्ये पोलिसांनी त्याचा माग काढला. त्याला त्याच्या खोलीतून अटक करण्यात आली, जिथे तो त्याचे सोशल मीडिया अकाउंट मॅनेज करत असे. येथून तो विकी आणि कतरिना दोघांनाही मेसेज पाठवत असे.
मनविंदर सिंगने आपल्या इंस्टाग्राम अकाऊंटवर लिहिले की, त्याने कतरिनासोबत लग्न केले आहे आणि अनेकदा तिला त्याची पत्नी म्हणायचे. याशिवाय तो अनेकदा ‘सूर्यवंशी’ अभिनेत्रीसोबतचे त्याचे फोटोही शेअर करत असे.
मनविंदर सिंगने विकी कौशलला धमकावणारा व्हिडिओही पोस्ट केल्याचा आरोप आहे. त्याने या स्टार जोडप्याला फोन करून धमकी दिली. इतकंच नाही तर त्याने कतरिनाला तिच्या बहिणीसोबत काहीतरी चुकीचं करणार असल्याचंही सांगितलं.
मनविंदर अनेकदा कतरिनासोबतचे त्याचे फोटो एडिट करून सोशल मीडियावर शेअर करत असे. अनेक पोस्टमधून त्याने विक्कीविरोधात नाराजीही व्यक्त केली आहे. सोशल मीडियावर केलेल्या विचित्र पोस्ट आणि धमक्यांमुळे विकीने सांताक्रूझ पोलिस ठाण्यात गुन्हा दाखल केला. तक्रारीवरून पोलिसांनी त्याचा माग काढला आणि त्याला अटक केली.