samudrik shastra
Samudrik Shastra:- भारतामध्ये ज्योतिषशास्त्र, अंकशास्त्र आणि व्यक्तिमत्व चाचणीच्या अनेक अशा पद्धती उपलब्ध असून याचा वापर करून आपल्याला संबंधित व्यक्तीचा स्वभाव किंवा त्याचे भविष्य किंवा ते व्यक्ती कसे आहे? बाबतचा अंदाज बांधू शकतो. तसेच शरीराची रचना तसेच शरीरावर असणाऱ्या तीळ सारख्या खुणा यावरून देखील आपण संबंधित व्यक्तीचे व्यक्तिमत्व कसे आहे हे सांगू शकतो.
तसेच बऱ्याच व्यक्तींना वेगवेगळ्या रंगांची आणि इतर गोष्टींची आवड असते व या आवडीनुसार देखील आपण संबंधित व्यक्तीचा स्वभाव आणि व्यक्तिमत्त्वाबद्दल सहजतेने अंदाज लावू शकतो.
याच पद्धतीने जर तुम्ही पाहिले तर वेगवेगळ्या व्यक्तींना वेगवेगळ्या रंगांची आवड असते व यावरून देखील आपण व्यक्तिमत्व ओळखू शकतो. या अनुषंगाने या लेखामध्ये आपण ज्या लोकांना सफेद म्हणजेच पांढरा रंग आवडतो अशा लोकांचे व्यक्तिमत्व कसे असते याबद्दलची माहिती घेऊ.
पांढऱ्या रंगाची आवड असणारे व्यक्ती स्वभावाने आणि व्यक्तिमत्त्वाने कसे असतात?
1- जीवनामध्ये असतात आशावादी– ज्या लोकांना पांढरा रंग आवडतो असे लोकांचे व्यक्तिमत्त्व हे खूप आशावादी स्वरूपाचे असते व ते कुठल्याही पद्धतीचे काम अतिशय उत्तम पद्धतीने करतात. तसेच कुठल्याही गोष्टींमध्ये ते सहजासहजी हार पत्करत नाहीत. तसेच नातेसंबंध प्रामाणिकपणे जपतात व कामात देखील ते निष्ठा सांभाळून असतात. तसेच पांढरा रंग आवडणाऱ्या व्यक्तींना कुठल्याही प्रकारची हिंसा किंवा आरडाओरड आवडत नाही.
2- कुठलाही वाद झाला तर सोडवता शांततेत– पांढऱ्या रंगाची आवड असणारे व्यक्ती कुठल्याही प्रकारचा वाद अगदी शांततेने सोडवतात व यामध्ये त्यांचा हातखंडा असतो. तसेच हे व्यक्ती एक आदर्श व्यक्तिमत्व म्हणून समाजात नावारूपाला येतात. आर्थिक व्यवस्थापन या लोकांना चांगले जमते तसेच यांचे व्यक्तिमत्त्व अतिशय शांत आणि धिररगंभीर असते.
या लोकांचा कुठल्याही बाबतीतला दृष्टिकोन संतुलित असतो व कुठलाही निर्णय घेण्यामध्ये ते वेळ घालवत नाहीत. कुठल्याही कामासाठी इतरांचा सल्ला घेतात परंतु आपल्या बुद्धीचा वापर करून निर्णय घेतात.
3- नातेसंबंध जपण्याला देतात प्राधान्य– पांढऱ्या रंगाची आवड असणारे व्यक्ती नातेसंबंध जपण्याला खूप महत्त्व देतात व नात्यांमध्ये कुठल्याही प्रकारचा विश्वासघात करत नाहीत. हे व्यक्ती जोडीदाराशी नेहमी प्रामाणिक असतात व निष्काळजीपणा सारख्या कुठल्याही गोष्टी त्यांना आवडत नाही. परंतु या व्यक्तींच्या स्वभावामध्ये असलेला हेकेखोरपणा इतरांना अडचणीचा ठरू शकतो किंवा अडचणीचा वाटतो. या व्यक्तींचा स्वभावाच असा असतो की यांच्याकडे लोक आकर्षिले जातात.
4- नकारात्मक गोष्टींपासून राहतात लांब– ज्या ठिकाणाहून त्यांना नकारात्मकता जाणवते अशा ठिकाणांपासून ते स्वतःला दूर ठेवतात. इतर लोक देखील यांच्याशी बोलून स्वतःमध्ये सकारात्मक वातावरण तयार करतात. परंतु पांढऱ्या रंग आवडणाऱ्या लोकांना स्वतःचे चारित्र्य मात्र खूप जपावे लागते. या लोकांवर कोणताही डाग सहजपणे लागू शकतो. त्यामुळे काही गोष्टीत सतर्क राहणे यांच्यासाठी खूप फायद्याचे ठरते.