SBI Home Loan Interest Rate : नवीन वर्षात रिझर्व्ह बँक ऑफ इंडियाने रेपो रेटमध्ये बदल केल्याने गृहकर्जदारांना मोठा धक्का बसला आहे. गृहकर्जात वाढ करण्यात आली आहे. त्यामुळे आता कर्ज घेतलेल्या ग्राहकांना जास्तीचे पैसे भरावे लागणार आहेत.
स्टेट बँक ऑफ इंडियाने एका वर्षाच्या कालावधीत MCLR 0.10 टक्क्यांनी वाढवला आहे. त्यामुळे बँकेच्या ज्या ग्राहकांनी गृहकर्ज घेतले आहे त्यांना जास्तीचे पैसे भरावे लागणार आहेत.
बँकेकडून १५ जानेवारीपासून नवीन व्याजदर सुरु करण्यात आले आहे. तसेच स्टेट बँक ऑफ इंडियाकडून ग्राहकांना गृहकर्जावर सणासुदीच्या काळात अनेक सवलती देखील दिल्या जाऊ शकतात. 31 जानेवारी 2023 या सवलती दिल्या जाऊ शकतात.
SBI चा 2 वर्ष आणि 3 वर्षांच्या कालावधीसाठी MCLR सध्या अनुक्रमे 8.50 टक्के आणि 8.60 टक्के आहे. त्याच वेळी, एक महिना आणि तीन महिन्यांसाठी MCLR 8 टक्के आहे. याशिवाय रात्रीचा MCLR 7.85 टक्के आहे.
होम लोन व्याजदर
SBI ने 4 ऑक्टोबर रोजी उत्सवी ऑफर मोहीम सुरू केली. ही ऑफर 31 जानेवारी 2023 पर्यंत आहे. या सणासुदीच्या ऑफरमध्ये बँक अनेक गृहकर्ज श्रेणींमध्ये 0.15 ते 0.30 टक्के सूट देत आहे. SBI गृहकर्जाचे दर देखील कर्जदाराच्या CIBIL स्कोअरवर अवलंबून असतात.
ज्यावेळी तुम्ही बँकेमध्ये गृहकर्ज काढण्यासाठी जात त्यावेळी महत्वाचे म्हणजे तुमचा CIBIL स्कोर तपासला जातो. तसेच अनेक प्रकारची कागदपत्रे देखील घेतली जातात.
तुमचा CIBIL स्कोर चांगला असेल तर तुम्हाला बँकेकडून कमी व्याजदरात देखील कर्ज मिळू शकते. तुमचा CIBIL स्कोअर ७५० ते ७९९ दरम्यान असेल, तर तुम्हाला व्याजदरात ०.२५ टक्के सूट मिळेल.
यासह, तुम्हाला 9 टक्क्यांऐवजी 8.75 टक्के व्याजदर मिळेल. दुसरीकडे, जर क्रेडिट स्कोअर 700 ते 749 दरम्यान असेल, तर गृहकर्जाची किंमत 0.20 टक्के सवलतीसह सामान्य दराने 9.10 टक्क्यांऐवजी 8.90 टक्के असेल.
कमी क्रेडिट स्कोअर उच्च व्याज दर
याशिवाय 700 पेक्षा कमी क्रेडिट स्कोअरसाठी गृहकर्जाच्या दरांमध्ये कोणताही बदल होणार नाही. कमी क्रेडिट स्कोअर असल्यास तुम्हाला बँकेकडून कोणतीही सवलत दिली जाणार नाही, 650 ते 699 क्रेडिट स्कोअरवर SBI गृह कर्जाचा व्याज दर 9.20 टक्के आहे. जर क्रेडिट स्कोअर 550 ते 649 असेल तर व्याज दर 9.40 टक्के आणि CIBIL नसल्यास 9.10 टक्के आहे.