Successful Farmer: देशातील शेतकरी (Farmer) शेतीत (Farming) सातत्याने नुकसान सहन करावे लागत असल्याने शेती (Agriculture) पासून दूर होत चालले आहेत. मात्र असे असताना देशात असेही अनेक शेतकरी आहेत जे शेतीत चांगली कामगिरी करून आपले नाव कमवत आहेत. उत्तर प्रदेशातील इटावा येथील एका महिला शेतकऱ्याने (Women Farmer) देखील महिला असतानाही शेतीत नाविन्यपूर्ण कामगिरी करून दाखवली आहे.
भरथाना ब्लॉक क्षेत्रांतर्गत येणाऱ्या मौजे कुसगवान येथील राधा राणीची केवळ जिल्ह्यातच नव्हे तर आजूबाजूच्या जिल्ह्यांमध्येही खूप चर्चा होत आहे, कारण आर्थिक संकटाचा सामना करताना तिने स्वत:ला तुटू दिले नाही. संकटाचा सामना करत राधाजींनी महिलांसाठी एक आदर्श निर्माण केला आहे. राधा राणीने कोरोनाच्या काळात अनेक संकटांचा सामना केला आणि एक वेळ जेवून प्रत्येक कठीण प्रसंगाला चोख उत्तर दिले.
खरं पाहता, तिचा नवरा मजुरीचे काम करतो. मात्र कोरोनाच्या काळात पतीला काम न मिळाल्याने कुटुंबाचा उदरनिर्वाह करणे कठीण झाले. राधा राणी तिच्या कुटुंबाचा उदरनिर्वाह करण्यासाठी कामाच्या शोधात होती, जेव्हा तिला ब्लॉक अधिकार्‍यांनी महिलांचा गट तयार करण्यासाठी प्रोत्साहन दिले. त्यावर तिने रोशनी महिला ग्राम संघटना मानवी बचत गटाची स्थापना केली.
उत्तर प्रदेश राज्य ग्रामीण उपजीविका अभियानासाठी मदत देण्यात आली आणि त्या मदतीने त्यांनी त्यांच्या वडिलोपार्जित जमिनीवर 2 बिघामध्ये एक पीक घेतले, ज्याची प्रत्येकजण कल्पना करू शकत नाही. जिल्हा प्रशासनाच्या मदतीने त्यांनी पपईचे असे पीक (Papaya Crop) तयार केले, ज्यातून त्यांना त्यांच्या 2 बिघे जमिनीतून काही दिवसांत लाखो रुपयांचे उत्पन्न (Farmer Income) मिळणार आहे.
राधा राणी म्हणाल्या की, तिने शुगर फ्री तैवानी रेड लेडी पपईचे बियाणे आपल्या पुणे जिल्ह्यातुन घेतले आणि प्रशिक्षण देखील येथूनचं घेतले, त्यानंतर तिने आपल्या 2 बिघा जमिनीत 11शे रेड लेडी पपईची रोपे लावली, जी येत्या ऑक्टोबर-नोव्हेंबरपर्यंत तयार होतील. आणि ते फळ देण्यास सुरुवात करतील. ही पपई साखरमुक्त आहे आणि विशेषतः हृदयरोगी, वृद्ध आणि साखर रुग्णांसाठी फायदेशीर आहे. यामध्ये कोणत्याही प्रकारच्या औषधांची फवारणी केली जात नाही, ज्यामुळे ते सुरक्षित आहे आणि कोणतेही दुष्परिणाम किंवा हानिकारक प्रभाव नाही.
महिला गटाच्या संचालिका राधा राणी यांनी पुण्याहून आणलेल्या शुगर फ्री रेड लेडी पपईचे पीक दोन बिघामध्ये तयार केले आहे. ज्यांची झाडे आता सुरक्षित आहेत आणि काही दिवसात त्यावर फळेही पूर्णपणे येऊ लागतील, त्यामुळे रेड लेडी पपईचे उत्पादन (Papaya Farming) करणाऱ्या राधा राणीला फायदा तर होईलच, शिवाय परिसरातील लोकांनाही या पिकाची नवीन प्रजाती मिळणार आहे. आजूबाजूच्या लोकांना लवकरचं याची चव चाखायला मिळेल. हे पीक ऑक्टोबर-नोव्हेंबरमध्ये काढणीसाठी तयार होणार आहे.
एका रोपातून सुमारे 1 क्विंटल साखरमुक्त पपई मिळेल
रेड लेडी शुगर फ्री पपईच्या एका रोपातून सुमारे 2 वर्षात एक क्विंटल साखरमुक्त पपई मिळेल. राधा राणी म्हणाल्या की, ही वनस्पती फार मोठी होत नाही आणि लवकरच त्यावर फळेही येऊ लागतात. 2 बिघा पिकासाठी त्यांनी सुमारे दीड लाख रुपये खर्च केले, त्यापैकी काही पैशांची व्यवस्था त्यांनी स्वत: केली आणि उर्वरित रक्कम प्रशासनाने व्यवस्था केली. पिकाची प्रगती बघता असे दिसते की, खर्च निघून गेल्यावर आमच्याकडे चांगली रक्कम शिल्लक राहील, त्यातून आम्ही जगू आणि पुन्हा तेच पीक घेऊ.