PM Kisan Yojana: प्रधानमंत्री किसान सन्मान निधी योजनेअंतर्गत देशभरातील कोट्यवधी शेतकऱ्यांच्या खात्यात आर्थिक मदत (financial aid) केली जाते. पीएम सन्मान निधी योजनेचे 11 हप्ते शेतकऱ्यांच्या खात्यात वर्ग करण्यात आले आहेत. हा हप्ता 31 मे रोजी शेतकऱ्यांच्या खात्यावर पाठवण्यात आला. शेतकरी (farmer) आता बाराव्या हप्त्याची आतुरतेने वाट पाहत आहेत.
पीएम किसान योजनेचा 12 वा हप्ता कधी येऊ शकतो? –
ऑगस्ट किंवा सप्टेंबर महिन्यात कोणत्याही तारखेला 12 वा हप्ता शेतकऱ्यांच्या खात्यात येऊ शकतो, अशी माहिती आहे. वास्तविक, पीएम किसान योजनेंतर्गत (PM Kisan Yojana) शेतकऱ्यांना वर्षाला 6 हजार रुपये दिले जातात.
हे पैसे दर 4 महिन्यांनी 2-2 हजार रुपयांच्या हप्त्याच्या स्वरूपात दिले जातात. शेवटचा म्हणजे 11 वा हप्ता केंद्र सरकारने (central government) 31 मे रोजी शेतकऱ्यांच्या खात्यात वर्ग केला होता. त्यावेळी दहा कोटींहून अधिक शेतकऱ्यांच्या खात्यावर पैसे पाठवण्यात आले होते.
या शेतकऱ्यांसाठी योजनेचे पैसे अडकू शकतात –
जरी सर्व लाभार्थी 12 व्या हप्त्याच्या प्रतीक्षेत आहेत, परंतु ज्यांनी ई-केवायसी (e-KYC) केले नाही त्यांचे हप्त्याचे पैसे अडकले जाऊ शकतात. ते पूर्ण करण्याची अंतिम तारीख 31 जुलै 2022 होती. अशा परिस्थितीत ज्या शेतकऱ्यांनी अद्याप ई-केवायसी केलेले नाही, त्यांना पुढील हप्ता मिळणे कठीण होऊ शकते.
अवैध लाभार्थ्यांना नोटीस (Notice to Invalid Beneficiaries) –
अनेक दिवसांपासून पंतप्रधान किसान योजनेचा बेकायदेशीरपणे फायदा घेत असल्याची अनेक प्रकरणे समोर येत आहेत. हे करणार्‍यांवर सरकार कडक झाले आहे. अशा लोकांना पैसे परत करण्यासाठी नोटीस पाठवली जात आहे. तत्काळ पैसे परत न केल्याने या लोकांवरही कारवाई होऊ शकते, असे सांगण्यात आले.