file photo
अहमदनगर Live24 टीम, 22 मार्च 2021:- कोपरगाव शहरातील बसस्थानकामध्ये आपल्या नातेवाईकाकडे कार्यक्रमाला आल्या सटाणा येथील महिलेच्या गळ्यातील मंगळसूत्र चोरुन पळणाऱ्या दोन अल्पवयील मुलींना प्रवाशांसह नागरिकांनी पाठलाग करून पकडले.
व पाेलिसांच्या ताब्यात दिले. कोपरगाव शहरातील बसस्थानकामध्ये शनिवारी दुपारच्या सुमारास रेखा नानाजी चव्हाण (वय ३६) राहणार धांद्री तालुका सटाणा या येथे येथे जागरण-गोंधळाच्या कार्यक्रमासाठी आल्या होत्या.
त्या परत जात असताना दुपारी कोपरगाव बसस्थानक येथे आल्या होत्या. यावेळी दोन अल्पवयीन मुलींनी गर्दीचा फायदा घेत रेखा चव्हाण यांची नजर चुकवून त्यांच्या गळ्यातील सहा ग्रॅम वजनाचे सोन्याचे मंगळसूत्र ओरबडून पळाल्या.
हे लक्षात येताच रेखा चव्हाण या आरडाओरडा करू लागल्या. नागरिकांनी या दोन अल्पवयीन चोरी करणाऱ्या मुलींना भाजी मार्केट रोड या ठिकाणी पकडले व पोलीस स्टेशनला कळवले. पोलिसांनी घटनास्थळी दाखल होऊन या दोन मुलींना ताब्यात घेतले.