Auto Expo 2023 : देशभरात इंधनाच्या किमती वाढल्या आहेत. त्यामुळे आता अनेकजण इलेक्ट्रिक वाहने खरेदी करू लागले आहेत. ग्राहकांसाठी आता सर्व कंपन्या एका पेक्षा एक जबरदस्त कार्स सादर करू लागल्या आहेत.
अशातच टाटा मोटर्स आपली आगामी इलेक्ट्रिक कार लाँच करणार आहे. लवकरच ही कंपनी 3 इलेक्ट्रिक कार लाँच करणार आहे. यामध्ये जबरदस्त फीचर्स मिळणार आहे.
आता कंपनी आपला इलेक्ट्रिक वाहन पोर्टफोलिओ वाढवण्याच्या तयारीत असून या वर्षीच्या ऑटो एक्स्पो 2023 मध्ये टाटा मोटर्स एकाच वेळी तीन इलेक्ट्रिक कार लाँच करणार आहे.
लॉंच होणार या कार
1. टाटा पंच इव्ही
कंपनी आपली पंच EV सादर करणार असून जी कंपनीच्या ALFA प्लॅटफॉर्मवर आधारित असणार आहे. Altroz हॅचबॅक देखील याच प्लॅटफॉर्मवर आधारित आहे. Ziptron इलेक्ट्रिक पॉवरट्रेन पंच EV मध्ये उपलब्ध असणार आहे.
ती Tiago आणि Tigor EV मध्ये देखील वापरली गेली आहे. यात दोन बॅटरी पॅक पर्याय मिळतील. इंटेरिअरचा लुक पेट्रोल व्हेरियंटसारखाच राहील. ज्यामध्ये EV-थीम कलर डिटेलिंगसह गडद-टोन्ड इंटीरियर, इन्स्ट्रुमेंट पॅनलवर ट्राय-एरो पॅटर्नसह इलेक्ट्रिक ब्लू अॅक्सेंट, AC व्हेंट्स आणि सीट फॅब्रिक दिले जातील.
2. टाटा अविन्य इव्ही
टाटा ने 2022 मध्ये त्यांची संकल्पना EV अविन्य देखील प्रदर्शित केली आहे. हे कंपनीच्या प्रगत जनरल 3 आर्किटेक्चरवर आधारित असणार आहे. कंपनीच्या मते, ही कार किमान 500 किमीची रेंज देईल.
डिझाईनच्या दृष्टीने, अविन्य संकल्पना ही MPV, हॅचबॅक आणि क्रॉसओव्हर यांचे मिश्रण असणार आहे. EV च्या पुढच्या बाजूला ‘T’ आकाराची LED पट्टी आहे जी खूपच आकर्षक दिसते. जे हेडलॅम्पला जोडणाऱ्या DRL प्रमाणे काम करते. यात ड्युअल किंवा क्वाड इलेक्ट्रिक मोटर सेटअप मिळेल.
3. टाटा कर्व ईव्ही
ही नवीन ईव्ही प्लॅटफॉर्मवर आधारित कंपनीची संकल्पना कार असणार आहे, जी यावर्षी एप्रिलमध्ये सादर केली होती. ही संकल्पना कार कूप-डिझाइनवर आधारित आहे, ज्याला ‘लेस इज मोअर’ म्हणतात. हे कंपनीच्या इतर ईव्हीमध्ये देखील पाहिले जाऊ शकते. त्याची ICE आवृत्ती देखील पाहता येणार आहे. या कारची रेंज सुमारे 400-500 किमी असण्याची शक्यता आहे.