7th Pay Commission : केंद्रीय कर्मचाऱ्यांसाठी (Central staff) आज खूप महत्वाचा दिवस मानला जात आहे. केंद्रीय कर्मचाऱ्यांना केंद्र सरकारकडून (Central Goverment) मोठे गिफ्ट मिळणार असल्याची शक्यता वर्तवण्यात येत आहे. याचा फायदा लाखों सरकारी कर्मचाऱ्यांना होणार आहे.
आज केंद्र सरकार आपल्या 50 लाखांहून अधिक सरकारी कर्मचाऱ्यांना आणि 65 लाखांहून अधिक पेन्शनधारकांना अनेक भेटवस्तू देऊ शकते. वास्तविक आज केंद्रीय मंत्रिमंडळाची बैठक (Union Cabinet meeting) होणार आहे.
या आर्थिक वर्षातील मंत्रिमंडळाची ही शेवटची बैठक आहे. अशा परिस्थितीत या बैठकीत केंद्र सरकार आपल्या कर्मचाऱ्यांना एकाच वेळी अनेक भेटवस्तू देऊ शकते, अशी अपेक्षा आहे.
वृत्तानुसार, या बैठकीत केंद्र सरकार आपल्या कर्मचार्‍यांच्या डीए (DA) वाढीची घोषणा करू शकते, तर 18 महिन्यांच्या डीएच्या थकबाकीबाबत मोठा निर्णय घेऊ शकते. यासोबतच किमान वेतन आणि फिटमेंट फॅक्टरवरही (Fitment factor) मोठी घोषणा केली जाऊ शकते.
मंत्रिमंडळाच्या बैठकीत ३ टक्के डीए वाढीला मंजुरी मिळाल्यास कर्मचाऱ्यांच्या मार्च महिन्याच्या पगारासह नवीन डीए खात्यात जमा होईल. महागाई भत्त्यात (डीए) वाढीसोबतच जानेवारी-फेब्रुवारीची थकबाकीही दिली जाईल.
तुम्हाला सांगतो की, महागाई भत्त्यात एकूण ३ टक्के वाढ झाली आहे. सध्या केंद्रीय कर्मचाऱ्यांना ३१ टक्के डीए मिळत आहे. त्यात वाढ झाल्यास हा डीए ३४ टक्क्यांपर्यंत वाढेल.
महागाई भत्ता ३४ टक्के असताना किमान मूळ पगाराची गणना पाहिली तर केंद्रीय कर्मचाऱ्याचा किमान मूळ वेतन १८,००० रुपये आहे. डीए ३४ टक्के झाल्यानंतर तो वाढून ६,१२० रुपये प्रति महिना होईल. म्हणजेच दरमहा ५४० रुपयांनी वाढणार आहे.
वार्षिक पगारावर नजर टाकली तर त्यात 6,480 रुपयांची वाढ दिसून येते. त्याच वेळी, कमाल मूळ वेतनात 1707 रुपयांनी वाढ होणार आहे. त्यानुसार या कर्मचाऱ्यांच्या पगारात वार्षिक आधारावर 20,484 रुपयांनी वाढ होणार आहे.
सरकारने येत्या मंत्रिमंडळ बैठकीत रखडलेल्या डीएबाबत निर्णय घेतल्यास कर्मचाऱ्यांच्या खात्यात एकाच वेळी 2 लाख रुपयांपर्यंतची रक्कम येऊ शकते.
नॅशनल कौन्सिल ऑफ जॉइंट कन्सल्टेटिव्ह मशिनरी (जेसीएम) सचिव (स्टाफ साइड) शिव गोपाल मिश्रा म्हणतात की केंद्र सरकार अडकलेल्या डीएच्या पैशांचा एकवेळ सेटलमेंट करू शकते.
यामुळे केंद्रीय कर्मचाऱ्यांना 1 लाख 44 हजार 200 ते 2 लाख 18 हजार 200 रुपये डीए थकबाकी म्हणून मिळू शकतात. वेगवेगळ्या श्रेणीतील कर्मचाऱ्यांसाठी थकबाकीची रक्कम वेगवेगळी असेल.
लेव्हल-1 कर्मचार्‍यांची डीए थकबाकी रु. 11880 ते रु. 37000 पर्यंत असेल. लेव्हल-13 कर्मचाऱ्यांची डीए थकबाकी 144200 ते 218200 रुपये असेल.